នាព្រឹកថ្ងៃអង្គារទី៣០ ខែសីហា ឆ្នាំ២០២២នេះ ក្រុមប្រឹក្សាខេត្តមានរៀបចំកិច្ចកិច្ចប្រជុំសាមញ្ញ លើក ទី៣៩ ឆ្នាំទី៤ អាណត្តិទី៣ របស់ ក្រោមអធិបតីភាពឯកឧត្តម ជុំ ហាត ប្រធានក្រុមប្រឹក្សា ខេត្តស្វាយ រៀង និងមានការអញ្ជើញចូលរួមពី ឯកឧត្ដម ម៉ែន វិបុល អភិបាលខេត្ត ឯកឧត្តម ឯកឧត្ដម លោក ជំទាវ សមាជិក សមាជិកាក្រុមប្រឹក្សាខេត្ត ឯកឧត្ដម លោកជំទាវ អភិបាលរងខេត្ត លោកស្រីនាយករង រដ្ឋបាលសាលាខេត្ត លោកប្រធានមន្ទីរព័ត៌មានខេត្ត លោកប្រធានមន្ទីរសុខាភិបាល នៃរដ្ឋបាលខេត្ត ស្វាយរៀង លោក លោកស្រីនាយក នាយករងទីចាត់ការ/អង្គភាព និងប្រធានការិយាល័យ ចំណុះ សាលាខេត្ត ។
ក្នុងកិច្ចប្រជុំនេះអង្គពិធីទាំងមូលបាន ពិនិត្យ និងអនុម័ត សេចក្តីព្រាងកំណត់ហេតុនៃកិច្ចប្រជុំសាមញ្ញលើកទី៣៨។ពិនិត្យ និងអនុម័ត របាយការណ៍បូកសរុបលទ្ធផលការងារប្រចាំខែសីហា និងទិសដៅការងារបន្តខែកញ្ញា ឆ្នាំ២០២២ របស់រដ្ឋបាលខេត្ត។
ក្នុងនោះផងដែរក៏បានពិនិត្យ និងអនុម័ត ផែនការថវិកា ចំណូល ចំណាយ របស់រដ្ឋបាលខេត្តស្វាយរៀង ឆ្នាំ២០២៣ ស្តាប់របាយការណ៍វឌ្ឍនភាពប្រចាំខែសីហា និងទិសដៅការងារបន្តខែកញ្ញា ឆ្នាំ២០២២ របស់ ការិយាល័យប្រជាពលរដ្ឋខេត្ត។ស្តាប់របាយការណ៍ប្រចាំខែសីហា និងទិសដៅការងារបន្តខែកញ្ញា ឆ្នាំ២០ ២២ របស់គណៈកម្មាធិការពិគ្រោះយោបល់កិច្ចការស្រ្តី និងកុមារខេត្ត។ព្រមទាំងបានស្តាប់របាយការណ៍ ប្រចាំខែសីហានិងទិសដៅការងារបន្តខែកញ្ញា ឆ្នាំ២០២២ របស់គណៈកម្មាធិការលទ្ធកម្ម ខេត្ត ៕
ប្រភព៖ រដ្ឋបាលខេត្តស្វាយរៀង
