កំពង់ឆ្នាំង ៖ រសៀលថ្ងៃទី២២ ខែកញ្ញា ឆ្នាំ២០២២ ថ្នាក់ដឹកនាំខេត្តកំពង់ឆ្នាំង អញ្ជើញជាអធិបតីក្នុងកិច្ចប្រជុំក្រុមការងារបង្ក្រាបការលេងល្បែងស៊ីសងខុសច្បាប់គ្រប់ប្រភេទ ក្នុងភូមិសាស្រ្តក្រុងកំពង់ឆ្នាំង ក្រោមអធិបតីភាព លោកស្រី ប៊ន សុភី អភិបាលរងខេត្ដ និងជាប្រធានក្រុមការងារបង្ក្រាបការលេងល្បែងស៊ីសងខុសច្បាប់គ្រប់ប្រភេទ ក្នុងភូមិសាស្រ្តក្រុងកំពង់ឆ្នាំង។ មានការអញ្ជើញចូលរួមពី ស្នងការដ្ឋាននគរបាលខេត្ដ លោកលោកស្រី អភិបាលក្រុង លោកអធិការ/អធិការរងនគរបាលក្រុង មេបញ្ជាការកងរាជអាវុធហត្ថក្រុង មេបញ្ជាការសឹករងក្រុង អភិបាលរងក្រុង នាយករដ្ឋបាលក្រុង មេភូមិ មេឃុំ ចៅសង្កាត់ទាំង៤ក្នុងក្រុង។
លោកស្រី ប៊ន សុភី បានមានប្រសាសន៍ណែនាំលោកអភិបាលក្រុងកំពង់ឆ្នាំង ជួយរៀបចំ ក្រុមប្រចាំការនៅក្រុងកំពង់ឆ្នាំង នៃក្រុមការងារបង្ក្រាបការលេងល្បែងស៊ីសងខុសច្បាប់។ នៅក្នុងកិច្ចប្រជុំក្រុមការងារបង្ក្រាបការលេងល្បែងស៊ីសងខុសច្បាប់នេះមានគោលបំណង ដើម្បីលុបបំបាត់នៅបទល្មើសផ្សេងៗដូចជា អំពើជួញដូរមនុស្ស ជួញដូរកម្លាំងពលកម្ម អាជីវកម្មផ្លូវភេទ៕
ប្រភព៖ រដ្ឋបាលខេត្តកំពង់ឆ្នាំង