នាថ្ងៃពុធ ទី៣១ ខែសីហា ឆ្នាំ២០២២ ថ្នាក់ដឹកនាំខេត្តកោះកុង អញ្ជើញចូលរួមសិក្ខាសាលាពិគ្រោះយោបល់ ស្តីពីការរៀបចំសេចក្តីព្រាងវិសោធនកម្មច្បាប់ ស្តីពីលទ្ធកម្មសាធារណៈតាមរយៈប្រព័ន្ធ Online Zoom ដោយមានការអញ្ជើញចូលរួមពីសំណាក់ បណ្ឌិត សំឃិត វៀន អភិបាលរង នៃគណៈអភិបាលខេត្ត និងជាអនុប្រធានគណៈកម្មាធិការលទ្ធកម្មរដ្ឋបាលខេត្តកោះកុង និងលោក ប្រធានអង្គភាពលទ្ឋកម្មរបស់រដ្ឋបាលខេត្ត។

ការរៀបចំកិច្ចប្រជុំនេះឡើង ក្នុងគោលបំណងជំរុញឱ្យការរៀបចំសេចក្តីព្រាងវិសោធនកម្មច្បាប់នេះមានសុក្រឹត្យភាព និងមានភាពគ្រប់ជ្រុងជ្រោយ ក្រសួងសេដ្ឋកិច្ច និងហិរញ្ញវត្ថុនឹងរៀបចំសិក្ខាសាលាពិគ្រោះយោបល់ ដើម្បីប្រមូលធាតុចូលបន្ថែមពីក្រសួង ស្ថាប័ន រដ្ឋបាលរាជធានី ខេត្ត សហគ្រាសសាធារណៈ គ្រឹះស្ថានសាធារណៈរដ្ឋបាល រដ្ឋបាលរាជធានី ខេត្ត ដៃគូអភិវឌ្ឍន៍ និងអង្គការសង្គមស៊ីវិល៕

ប្រភព៖ រដ្ឋបាលខេត្តកោះកុង