ឯកឧត្តម ងួន រតនៈ អភិបាលខេត្តកំពង់ធំ អញ្ជើញជាអធិតីក្នុងពិធីទិវាបរិស្ថានជាតិ និងបរិស្ថានពិភពលោក ០៥ មិថុនា ក្រោមប្រធានបទ “ថែទាំពិភពលោក ដើម្បីសុខភាព”

(រដ្ឋបាលខេត្តកំពង់ធំ)៖ នាព្រឹកថ្ងៃទី ២៣ ខែមិថុនា ឆ្នាំ២០២២ ឯកឧត្តម ងួន រតនៈ អភិបាល នៃគណៈអភិបាលខេត្តកំពង់ធំ បានអញ្ជើញជាអធិបតី ក្នុងពិធីអបអរសាទរទិវាបរិស្ថានជាតិ និងបរិស្ថានពិភពលោក ៥ មិថុនា ឆ្នាំ២០២២ ក្រោមប្រធានបទ «ថែទាំភពផែនដី ដើម្បីសុខភាពយើង» នៅបរិវេណវត្តហប់ ស្ថិតនៅឃុំទ្រា ស្រុកស្ទោង ខេត្តកំពង់ធំ។

ថ្លែងក្នុងពិធីនោះដែរ ឯកឧត្តម ងួន រតនៈ មានប្រសាសន៍លើកឡើងថា ប្រារព្ធធ្វើទិវាបរិស្ថានជាតិ និងទិវាបរិស្ថានពិភពលោក ៥ មិថុនា ២០២២នេះ ក្រោមប្រធានបទ “ថែទាំភពផែនដី ដើម្បីសុខភាពយើង” ដើម្បីលើកកម្ពស់ការយល់ដឹងសាធារណៈ ជាពិសេសក្មេងៗជំនាន់ក្រោយ ដែលជាទំពាំងស្នងឫស្សី អំពីទំនាក់ទំនងរវាងសុខភាពនៃភពផែនដី និងសុខភាពរបស់មនុស្សជាតិ ដែលជម្រុញឱ្យយើងទាំងអស់គ្នាពិចារណាចំពោះការអនុវត្តសកម្មភាពដ៏ត្រឹមត្រូវ ក្នុងការរស់នៅប្រចាំថ្ងៃ ដែលមានផលប្រយោជន៍មិនត្រឹមតែកាត់បន្ថយចំណាយប្រចាំថ្ងៃរបស់យើងប៉ុណ្ណោះ ប៉ុន្តែថែមទាំងថែទាំ និងសង្គ្រោះភពផែនដីដែលកំពុងស្ថិតនៅក្រោមការគំរាមកំហែងរបស់មនុស្ស តាមរយៈការធ្វើអាជីវកម្ម ផលិតកម្មហួសការកំណត់។

ឯកឧត្តម អភិបាលខេត្ត បន្តទៀតថា ទិវានេះ មានអត្ថន័យដ៏ជ្រាលជ្រៅសម្រាប់ពន្ញាក់ស្មារតីរបស់យើងទាំងអស់ ឱ្យគិតគូរអំពីផលវិបាក នៃការប្រើប្រាស់ធនធានធម្មជាតិហួសកម្រិត មិនមាននិរន្តរភាព ដែលប៉ះពាល់ដល់បរិស្ថានពិភពផែនដីយើង ក៏ដូចជាសុខភាពរបស់យើងទាំងអស់គ្នា ព្រមទាំងផ្តល់នូវទស្សនទាន នៃការជ្រើសទិញ និងប្រើប្រាស់សម្ភារៈណា ដែលអាចប្រើប្រាស់បានច្រើនដង និងអាចកែច្នៃទ្បើងវិញបាន ដើម្បីកាត់បន្ថយការបញ្ចេញ បរិមាណសំណល់ដែលបំពុលទឹក ដី ខ្យល់ដែលស្ថិតនៅជុំវិញយើង ជាពិសេស ការគ្រប់គ្រងអនាម័យ និងការសម្អាតនៅតាមទីប្រជុំជន ក្រុង ស្រុក និងសង្កាត់ តាមរយៈការប្រមូលសំរាម និងស្តុកសំរាមនៅទីលានចាក់សំរាម ដើម្បីសុខភាព និងសុខមាលភាពរបស់យើងទាំងអស់គ្នា។

ជាចុងក្រោយ ឯកឧត្តម ងួន រតនៈ បានអំពាវនាវដល់បងនប្អូនប្រជាពលរដ្ឋដែលមិនទាន់បានចាក់វ៉ាក់សាំងដូសទី១ ដូសទី២ និងបងប្អូនប្រជាពលរដ្ឋដែលមិនទាន់ បានចាក់វ៉ាក់សាំងដូសជំរុញទី៣ និងទី៤ សូមអញ្ជើញទៅចាក់វ៉ាកសាំងឱ្យបានគ្រប់គ្នា ទៅតាមការជូនដំណឹងរបស់អាជ្ញាធរ ដើម្បីប្រយុទ្ធប្រឆាំងការរីករាលដាលនៃជំងឺកូវីត១៩។

ប្រភព៖ រដ្ឋបាលខេត្តកំពង់ធំ

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ