នាថ្ងៃពុធ ទី១៥ ខែមិថុនា ឆ្នាំ២០២២ រដ្ឋបាលខេត្តកោះកុង រៀបចំកិច្ចប្រជុំពិភាក្សា ពិនិត្យផ្ទៀងផ្ទាត់លើចំណីផ្លូវ អូរ ប្រឡាយ ព្រែក ស្ថិតនៅភូមិបឹងឃុនឆាង និងភូមិស្មាច់មានជ័យ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។ ក្រោមការដឹកនាំកិច្ចប្រជុំដោយ លោក សុខ សុទ្ធី អភិបាលរង នៃគណៈអភិបាលខេត្តកោះកុង លោកអភិបាលរង បានលើកឡើងថាកន្លងមករដ្ឋបាលខេត្ត មន្ទីរ អង្គភាពជំនាញពាក់ព័ន្ធ តែងតែយកចិត្តទុកដាក់ ក្នុងកាពិនិត្យផ្ទៀងផ្ទាត់លើចំណីផ្លូវ អូរ ប្រឡាយ ព្រែក នៅក្នុងក្រុងខេមរភូមិន្ទ។
ជាក់ស្តែងថ្ងៃនេះ លោកអភិបាលរងបានមានប្រសាសន៍បន្ថែមទៀតថា សូមមន្ត្រីជំនាញទាំងអស់ ពិនិត្យ និងពិភាក្សាឱ្យបានល្អិតល្អន់បំផុត ចំពោះចំណីផ្លូវ អូរ ប្រឡាយ ព្រែក ដែលស្ថិតនៅភូមិបឹងឃុនឆាង និងភូមិស្មាច់មានជ័យ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ដើម្បីកែសម្រួល និងកែលម្អ ដើម្បីបញ្ជៀសទឹកក្នុងរដូវវស្សា ព្រមទាំងពិនិត្យឱ្យល្អិតល្អន់ចំពោះដីចំណីផ្លូវកុំឱ្យមានការបំពាន និងទុកឱ្យបញ្ហាកើតឡើងររ៉ៃ ត្រូវតែដោះស្រាយឱ្យទាន់ពេលវេលា និងយកចិត្តទុកដាក់បំផុត៕
ប្រភព៖ រដ្ឋបាលខេត្តកោះកុង