ឯកឧត្តម ជា សុមេធី បានដឹកនាំមន្ទីរពាក់ព័ន្ធ និងកងកំលាំងទាំងបី ចុះពិនិត្យស្ថានភាពទឹកជំនន់
នៅថ្ងៃសុក្រ ១៤រោច ខែទុតិយាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១០ ខែសីហា ឆ្នាំ២០១៨ ឯកឧត្តម ជា សុមេធី អភិបាល នៃគណៈអភិបាល ខេត្តព្រៃវែង និងលោកប្រធានមន្ទីរពាក់ព័ន្ធព្រមទាំងកងកំលាំងទាំងបី លោកអភិបាលស្រុកពោធិ៍រៀង បានធ្វើដំណើរតាមទូកបណ្តោយដងទន្លេតូច ដើម្បីពិនិត្យស្ថានភាពទឹកជំនន់ ដែលបានលិចលុងនៅលំនៅដ្ឋានប្រជាពលរដ្ឋ វត្តអារាម និងសាលារៀន នៅភូមិពាមស្តី ឃុំអង្លង់ជ្រៃ ស្រុកពោធិ៍រៀង ខេត្តព្រៃវែង។ ឆ្លៀតឧកាសនេះផងដែរ ឯកឧត្តម អភិបាលខេត្ត ក៍បានសំណេះសំណាល សួរសុខទុក្ខ និងផ្តាំផ្ញើរសូមអោយបងប្អូនប្រយ័ត្នប្រយែងលើកូនចៅចៀសពីការលុងទឹក និងថែរក្សាសុខភាព៕
