នៅព្រឹកថ្ងៃទី ០៧ ខែ សីហា ឆ្នាំ២០១៨ សម្តេចចៅហ្វាវាំងង វរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជាវាំង អមដំណើរដោយ ឯកឧត្តម គួច ចំរើន អភិបាលនៃគណៈអភិបាលខេត្តកំពង់ចាម បានយកអំណោយរបស់ព្រះករុណាព្រះបាទសម្តេចបរាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៍ខ្ពង់ខ្ពស់បំផុត និងសម្តេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនិនាថ សីហនុ នៃព្រះរាជាណាចក្រកម្ពុជា ជាទីគោរពសក្ការ:ដ៍ខ្ពង់ខ្ពស់បំផុសបានប្រោសប្រទានដល់ប្រជារាស្ត្រទទួលរងគ្រោះដោយទឹកជំនន់នៅឃុំមៀន ស្រុកព្រៃឈរ ខេត្តកំពង់ចាម។ អំណោយរបស់ព្រះករុណាព្រះបាទសម្តេចបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ដែលប្រទានចែកជូនដល់គ្រួសាររងគ្រោះចំនួន៣៥០គ្រួសាររួមមាន៖ អង្ករចំនួន២បាវស្មើនឹង១០០គីឡូក្រាម, ឃីតចំនួន២កញ្ចប់(មុង២,ភួយ២,ក្រមា២,សារ៉ុង២),ទឹកបរិសុទ្ធ២ធុង,កៅស៊ូតង់២ផ្ទាំង,ត្រីខ២០កំប៉ុង,មី២កេះតូច,អាវយឺតមានស្លាកអំណោយរះករុណាព្រះបាទសម្តេចបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងថវីកា៤០ម៊ឺនរៀល។ ក្នុងឱកាសនោះដែរសម្តេចចៅហ្វាវាំងង វរវៀងជ័យ អធិបតីស្រឹង្គារ គង់ សំអុល បានពាំនាំការសាកសួរសុខទុក្ខពី ព្រះករុណាព្រះបាទសម្តេចបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ដែលព្រះទ័យរបស់ទ្រង់តែងតែយកចិត្តទុកដាក់ពីសុខទុក្ខរបស់ប្រជានុរាស្ត្ររបស់ព្រះអង្គគ្រប់ពេលវេលា។ សម្តេចបានបន្តទៀតថា ប្រជាពលរដ្ឋទាំងអស់ដែលរងគ្រោះដោយទឹកជំនន់ត្រូវមានប្រុងប្រយ័ត្នចំពោះគ្រោះធម្មជាតិ ដោយទឹកជំនន់នេះផងដែរ ត្រូវការពារកូនៗកុំឲ្យលេងទឹក ត្រូវពិសាទឹកដែលដាំពុះ ពិសេសត្រូវសម្អាតទីទួលដែរយើងរស់នៅបានឲ្យស្អាត តាមពាក្យស្លោក ផឹកស្អាត រស់នៅស្អាត ហូបស្អាត ។ សម្ដេចក៏បានថ្លែងអំណរគុណដល់បងប្អូនប្រជាពលរដ្ឋទាំងអស់ដែលបានអញ្ជើញចូលរួមទៅបោះឆ្នោតបានទាំងអស់ ដែលនេះសបញ្ជាក់អោយឃើញពីលទ្ធិប្រជាធិបតេយ្យនៅកម្ពុជា៕
