ខេត្តក្រចេះ៖ រសៀលថ្ងៃអង្គារ ទី១០ ខែមិថុនា ឆ្នាំ ២០២៥ នៅសាលប្រជុំក្រុមប្រឹក្សាខេត្ត ឯកឧត្តម ហឿ សុីយ៉ែម ប្រធានក្រុមប្រឹក្សាខេត្ត និងឯកឧត្តម វ៉ា ថន អភិបាលខេត្ត អញ្ជើញដឹកនាំកិច្ចប្រជុំសាមញ្ញលើកទី១៣ អាណត្តិទី៤ របស់ក្រុមប្រឹក្សាខេត្តក្រចេះ។ ដោយមានការចូលរួមពី ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត លោកនាយក នាយករងរដ្ឋបាលខេត្ត ប្រធានមន្ទីរអង្គភាពជុំវិញខេត្ត កងកម្លាំងទាំងបី នាយកទីចាត់ការនិងអង្គភាពទាំង២ អភិបាលរងក្រុង និងមន្ត្រីពាក់ព័ន្ធ។

កិច្ចប្រជុំមានរបៀបវារៈ៖

១). ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី១២ អាណត្តិទី៤ របស់ក្រុមប្រឹក្សាខេត្ត។

២). ពិនិត្យ និងអនុម័តសេចក្តីព្រាងរបាយការណ៍បូកសរុបលទ្ធផលការងារប្រចាំខែឧសភា ឆ្នាំ២០២៥ និង លើកទិសដៅការងារបន្ត របស់រដ្ឋបាលខេត្ត។

៣). ពិនិត្យ និងអនុម័តសេចក្តីព្រាងសេចក្តីសម្រេចប្រតិទិននៃកិច្ចប្រជុំសាមញ្ញរបស់ក្រុមប្រឹក្សាខេត្តក្រចេះ អាណត្តិទី៤ ឆ្នាំទី២ សម្រាប់រយៈពេល ១២ខែ។

៤). ពិនិត្យ និងអនុម័តពាក្យសុំច្បាប់អវត្តមានពីកិច្ចប្រជុំសាមញ្ញលើកទី១៣ អាណត្តិទី៤ របស់សមាជិកក្រុមប្រឹក្សាខេត្ត៕

ប្រភព៖ រដ្ឋបាលខេត្តក្រចេះ