ទីស្ដីការក្រសួងមហាផ្ទៃ៖ នៅរសៀលថ្ងៃពុធ ទី១០ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានអញ្ជើញដឹកនាំកិច្ចប្រជុំស្តីពី ការត្រួតពិនិត្យវឌ្ឍនភាពការងារ ប្រព័ន្ធស្នើសុំសួរសុខទុក្ខជនជាប់ឃុំ និងប្រព័ន្ធគ្រប់គ្រងអាវុធជាតិផ្ទុះ ដោយមានការអញ្ជើញចូលរួមពី លោក អគ្គនាយករង ប្រធាននាយកដ្ឋាន-ស្ថានីយ៍ អនុប្រធាននាយកដ្ឋាន-ស្ថានីយ៍ នាយ-នាយរងការិយាល័យ ព្រមទាំងលោក លោកស្រី និងមន្រ្តីជំនាញបច្ចេកទេសជាច្រើនរូបទៀតផងដែរ។ 

កិច្ចប្រជុំនេះ មានគោលបំណង ពិនិត្យ

និងពិភាក្សាបន្ថែមទៀតអំពីវឌ្ឍនភាពការងារ ប្រព័ន្ធស្នើសុំសួរសុខទុក្ខជនជាប់ឃុំ និងប្រព័ន្ធគ្រប់គ្រងអាវុធជាតិផ្ទុះ ដេីម្បីប្រមូលមតិយោបល់ ព្រមទាំងធាតុចូលល្អសម្រាប់បំពេញបន្ថែមឱ្យប្រព័ន្ធកាន់តែមានភាពគ្រប់ជ្រុងជ្រោយ។ លេីសពីនេះ ក៏ដេីម្បីកែសម្រួលបញ្ហាប្រឈមមួយចំនួន សម្រាប់ឱ្យមានភាពងាយស្រួលក្នុងការដាក់ឱ្យដំណើរការសាកល្បងនាពេលខាងមុខ។ ឆ្លៀតក្នុងឱកាសនោះដែរ ឯកឧត្តម អគ្គនាយក ក៏បានស្នើដល់ថ្នាក់ដឹកនាំព្រមទាំងមន្រ្តីជំនាញទាំងអស់ ត្រូវតែបន្តសហការគ្នាមានសាមគ្គីភាពផ្ទៃក្នុងល្អ ក្នុងការបំពេញតួនាទីភារកិច្ចជូនអង្គភាពរបស់ខ្លួនប្រកបដោយប្រសិទ្ធភាព និងកាន់តែល្អប្រសើរបន្ថែមទៀត៕ 

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ