កំពង់ធំ ៖ អនុវត្តតាមការចង្អុលដឹកនាំដ៏ខ្ពង់ខ្ពស់ពីឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ នៅព្រឹកថ្ងៃទី ៦ ខែ កក្កដា ឆ្នាំ២០២៦ លោកឧត្តមសេនីយ៍ទោ ហេង សុផល ស្នងការ នៃស្នងការដ្ឋាននគរបាលខេត្តកំពង់ធំ បានដឹកនាំពិធីគោរពទង់ជាតិ នៃព្រះរាជាណាចក្រកម្ពុជា ដែលមានកងកម្លាំងចូលរួមចំនួន ៣២៥ នាក់ នៅស្នងការដ្ឋាននគរបាលខេត្ត។

បន្ទាប់ពីពិធីគោរពទង់ជាតិ លោកឧត្តមសេនីយ៍ទោ ហេង សុផល ស្នងការនគរបាលខេត្ត បានថ្លែងកោតសរសើរ ដល់បងប្អូនកងកម្លាំងគ្រប់លំដាប់ ដែលអនុវត្ត តួនាទី ភារកិច្ច បានល្អប្រសើរ នាពេលកន្លងមក បង្ការ ទប់ស្កាត់បទល្មើសគ្រប់ប្រភេទ ធានារក្សា សន្តិសុខ សុវត្ថិភាព សណ្តាប់ធ្នាប់សាធារណៈ ជូនសង្គមជាតិ និងប្រជាពលរដ្ឋ ស្របគោលនយោបាយភូមិ-ឃុំ សង្កាត់មានសុវត្ថិភាព ។

បន្ថែមលើ ប្រសាសន៍ សំណេះសំណាល លោកស្នងការ បានថ្លែងក្រើនរំលឹកលើការងារ ៖ 

១-ការងារដឹកនាំបញ្ជា ប្រកបដោយស្មារតី សាមគ្គីភាព ឯកភាពផ្ទៃក្នុង ថ្នាក់ដឹកនាំការិយាល័យជំនាញ ត្រូវបន្តពង្រឹងការគ្រប់គ្រងត្រួតពិនិត្យមន្ត្រីក្រោមឱវាទ ឱ្យបានម៉ឺងម៉ាត់ ក្នុងការអនុវត្តតួនាទី ភារកិច្ចជាប្រចាំថ្ងៃ ការងារគោរពទង់ជាតិ ការងារប្រចាំបញ្ជា និងការងារសប្បុរសធម៌។

២-បន្តយកចិត្តទុក ការធ្វើអនាម័យសុខភាព និងបរិស្ថាន បោសសំអាតសំរាម ទីកន្លែងបំពេញភារកិច្ច ក្នុង-ក្រៅ បរិវេណអង្គភាព រៀបចំប្រមូលទុកដាក់វត្ថុ ឱ្យមានសណ្ដាប់ធ្នាប់ល្អ ។

៣-កងអនុសេនាតូចទាំង ០២ ក្រុម នៃស្នងការដ្ឋាននគរបាលខេត្តកំពង់ធំ ត្រូវបន្តត្រៀមខ្លួនរួចជាស្រេច 

រងចាំអនុវត្តបទបញ្ជា របស់រាជរដ្ឋាភិបាល ការពារបូរណភាព អធិបតេយ្យភាពទឹកដី នៃព្រះរាជាណាចក្រកម្ពុជា ៕

ប្រភព៖ ស្នងការដ្ឋាននគរបាលខេត្តកំពង់ធំ