នាព្រឹកថ្ងៃសុក្រ ទី២២ ខែឧសភា ឆ្នាំ២០២៦ នៅអគ្គនាយកដ្ឋានសវនកម្មផ្ទៃក្នុង បានរៀបចំកិច្ចប្រជុំត្រួតពិនិត្យវឌ្ឍនភាពការងារប្រចាំខែឧសភា និងលើកទិសដៅការងារខែមិថុនា ឆ្នាំ២០២៦ និងពិភាក្សាការងារចាំបាច់មួយចំនួនរបស់អគ្គនាយកដ្ឋានសវនកម្មផ្ទៃក្នុង ក្រោមអធិបតីភាពរបស់ ឯកឧត្តម ឧត្តមសេនីយ៍ឯក ងួន ស្រេង អគ្គនាយក នៃអគ្គនាយកដ្ឋានសវនកម្មផ្ទៃក្នុង និងដោយមានការអញ្ជើញចូលរួមពី ឯកឧត្តម លោកជំទាវ អគ្គនាយករង លោក លោកស្រី ប្រធាននាយកដ្ឋានទាំង៤ និងមន្ត្រីពាក់ព័ន្ធ។

ថ្លែងក្នុងកិច្ចប្រជុំនេះ ឯកឧត្តម ឧត្តមសេនីយ៍ឯក អគ្គនាយក បានលើកឡើងគោលបំណងរបស់កិច្ចប្រជុំនេះ ផ្ដោតសំខាន់ទៅលើការបូកសរុបរបាយការណ៍ប្រចាំខែ និងពិភាក្សាលើការងារចាំបាច់មួយចំនួន សម្រាប់កែប្រែរបាយការណ៍ឱ្យកាន់តែល្អប្រសើរឡើង។ ជាពិសេស ឯកឧត្តម ឧត្តមសេនីយ៍ឯក អគ្គនាយក បានបញ្ជាក់ពីអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ក្នុងកិច្ចប្រជុំ ស្ដីពីការសម្របសម្រួលការងារអន្ដរអង្គភាព ចំណុះក្រសួងមហាផ្ទៃ នូវចំណុចសំខាន់ៗមួយចំនួនដូចជា ប្រធានអង្គភាពចំណុះក្រសួងមហាផ្ទៃ ត្រូវយកចិត្តទុកដាក់ និងបង្កើតយន្ដការលើការចំណាយដោយ ទី១ ការត្រួតពិនិត្យ និងទី២ តាមដានការចំណាយឱ្យចំទិសដៅច្បាស់លាស់៕ 

ប្រភព៖ អគ្គនាយកដ្ឋានសវនកម្មផ្ទៃក្នុង