ទីស្ដីការក្រសួងមហាផ្ទៃ៖ នាព្រឹកថ្ងៃចន្ទ ទី២១ ខែមេសា ឆ្នាំ២០២៥ ឯកឧត្ដម ទ្រី សុខហេង អនុរដ្ឋលេខាធិការ ក្រសួងមហាផ្ទៃ អញ្ជើញបន្តដឹកនាំកិច្ចប្រជុំក្រុមការងារបច្ចេកទេសរបស់ក្រសួងមហាផ្ទៃ ពិនិត្យពិភាក្សានិងផ្ដល់យោបល់ លើសេចក្តីព្រាងច្បាប់ស្ដីពីកិច្ចការពារទិន្នន័យបុគ្គលដែលរៀបចំឡើងដោយក្រសួងប្រៃសណីយ៍និងទូរគមនាគមន៍ ។
កិច្ចប្រជុំនេះរួមមានការអញ្ជេីញចូលរួមពី ឯកឧត្ដម ឧត្តមសេនីយ៍ឯក អនុប្រធានក្រុមប្រឹក្សានីតិកម្ម អគ្គនាយករង នៃអគ្គនាយកដ្ឋានអត្តសញ្ញាណកម្ម ឯកឧត្ដម ឧត្តមសេនីយ៍ឯក លោកឧត្តមសេនីយ៍ទោ ប្រធាននាយកដ្ឋា លោកឧត្តមសេនីយ៍ត្រី លោកវរសេនីយ៍ឯក លោកវរសេនីយ៍ទោ និងមន្ត្រីពាក់ព័ន្ធជាច្រើនរូបទៀត។
ជាកិច្ចចាប់ផ្តេីមនៃកិច្ចប្រជុំនេះដែរ ឯកឧត្ដម អនុរដ្ឋលេខាធិការ ក្រសួងមហាផ្ទៃ បានថ្លែងអំណរគុណយ៉ាងជ្រាលជ្រៅ និងសូមស្វាគមន៍យ៉ាងកក់ក្តៅចំពោះវត្តមាន របស់ឯកឧត្តម អស់លោកទាំងអស់ ដែលបានឆ្លៀតពេលវេលាដ៏មមាញឹក ដើម្បីចូលរួមនៅក្នុងកិច្ចប្រជុំនាពេលនេះ។
កិច្ចប្រជុំខាងលេីមានគោលបំណងប្រមូលធាតុចូលបន្ថែម និងបន្តពិនិត្យពិភាក្សា កែសម្រួលផ្ដល់យោបល់លើសេចក្តីព្រាងច្បាប់ស្ដីពីកិច្ចការពារទិន្នន័យបុគ្គល ។
ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ
