ខេត្តព្រវិហារ៖ នៅព្រឹកថ្ងៃចន្ទ ទី១១ ខែវិច្ឆិកា ឆ្នាំ២០២៤ រដ្ឋបាលខេត្តព្រះវិហារ មានរៀបចំពិធីបើកវេទិការាជរដ្ឋាភិបាលថ្នាក់ខេត្ត ស្តីពីកំណែទម្រង់វិមជ្ឈការ និងវិសហមជ្ឈការ ដើម្បីចូលរួមសម្រេចចក្ខុវិស័យកម្ពុជាឆ្នាំ២០៥០ ក្រោមអធិបតីភាព ឯកឧត្ដម ប្រាក់ សុវណ្ណ ប្រធានក្រុមប្រឹក្សាខេត្ត ឯកឧត្ដម គីម រិទ្ធី អភិបាល នៃគណៈអភិបាលខេត្ត និងមានការចូលរួមផងដែរពី ឯកឧត្តម អ៊ុំ ចំរើន អគ្គនាយករង នៃអគ្គនាយកដ្ឋានរដ្ឋបាលក្រសួងមហាផ្ទៃ។  

ក្នុងវេទិកានេះ មានសមាសភាពចូលរួមពី ឯកឧត្ដម លោកជំទាវសមាជិកក្រុមប្រឹក្សាខេត្ត លោក លោកស្រី អភិបាលរងខេត្ត នាយក នាយករងរដ្ឋបាល នាយកទីចាត់ការ ប្រធានអង្គភាព ប្រធាន អនុប្រធានការិយាល័យចំណុះរចនាសម្ព័ន្ធសាលាខេត្ត ប្រធានការិយាល័យប្រជាពលរដ្ឋខេត្ត តំណាងកងកម្លាំងទាំងបីខេត្ត តំណាងសភាពាណិជ្ជកម្ម អភិបាលអភិបាលក្រុង ស្រុក ប្រធានក្រុមប្រឹក្សាក្រុង ស្រុក មេឃុំ ចៅសង្កាត់ ស្មៀនឃុំ សង្កាត់ តំណាងអង្គការ សង្គមស៊ីវិល តំណាងប្រធានសមាគមក្រុមប្រឹក្សាថ្នាក់មូលដ្ឋាន តំណាង ស.ស.យ.ក និងអ្នកពាក់ព័ន្ធនានា សរុបប្រមាណ ៣០០នាក់៕

ប្រភព៖ រដ្ឋបាលខេត្តព្រះវិហារ