នារសៀលថ្ងៃសុក្រ ទី៩ ខែឧសភា ឆ្នាំ២០២៥ នៅមណ្ឌលអប់រំកែប្រែទី១ បានរៀបចំកិច្ចប្រជុំបិទសវនកម្មផ្ទៃក្នុង សម្រាប់ការិយបរិច្ឆេទ២០២៤ និងបណ្តាឆ្នាំពាក់ព័ន្ធ ក្រោមអធិបតីភាពឯកឧត្ដម ឧត្ដមសេនីយ៍ឯក ងួន ស្រេង អគ្គនាយក នៃអគ្គនាយកដ្ឋានសវនកម្មផ្ទៃក្នុង ដោយមានការអញ្ជើញចូលរួមពី ឯកឧត្តម ឧត្តមអគ្គានុរក្សថ្នាក់លេខ១ នុត សវនា អគ្គនាយករង និងជាប្រធានមណ្ឌលអប់រំកែប្រែទី១ ឯកឧត្តម អគ្គនាយករង ប្រធានគណៈប្រតិភូ សមាជិក គណៈប្រតិភូសវនកម្មផ្ទៃក្នុង លោក លោកស្រី អនុប្រធានមណ្ឌលអប់រំកែប្រែទី១ ប្រធាន អនុប្រធានការិយាល័យ ប្រធានផ្នែក និងមន្ត្រីពាក់ព័ន្ធចំណុះមណ្ឌលអប់រំកែប្រែទី១។ 

ក្នុងកិច្ចចាប់ផ្តើមនេះដែរ ឯកឧត្តម ឧត្តមសេនីយ៍ឯក អគ្គនាយក បានថ្លែងអំណរគុណដល់ ឯកឧត្តម ឧត្តមអគ្គានុរក្សថ្នាក់លេខ១ អគ្គនាយករង និងជាប្រធានមណ្ឌលអប់រំកែប្រែទី១ និងមន្រ្តីជំនាញពាក់ព័ន្ធ ដែលបានធ្វើកិច្ចសហការល្អ ជាមួយក្រុមគណៈប្រតិភូសវនកម្ម ដោយសម្រចបាននូវជោគជ័យលើកិច្ចដំណើរការធ្វើសវនកម្ម សម្រាប់ការិយបរិច្ឆេទ២០២៤ និងបណ្តាឆ្នាំពាក់ព័ន្ធ ប្រកបដោយការទទួលខុសត្រូវខ្ពស់។

បន្ថែមពីនេះ ឯកឧត្តម ឧត្តមសេនីយ៍ឯក អគ្គនាយក បានលើកឡើងថា ការចុះធ្វើសវនកម្មផ្ទៃក្នុង គឺដើម្បីជួយជំរុញដល់ថ្នាក់ដឹកនាំសវនដ្ឋាន លើការបំពេញការងារប្រកបដោយប្រសិទ្ធភាពនិងភាពទទួលខុសត្រូវខ្ពស់របស់ខ្លួន ជាពិសេស អនុសាសន៍កែលម្អទាំងអស់ដែលផ្តល់ដោយសវនករ បានក្លាយជាមូលដ្ឋានក្នុងការវិភាគ វាយតម្លៃហានិភ័យ និងកែលម្អចំណុះខ្វះខាតនានារបស់សវនដ្ឋានឱ្យស្របតាមបទដ្ឋានគតិយុត្តជាធរមាន៕

ប្រភព៖ អគ្គនាយកដ្ឋានសវនកម្មផ្ទៃក្នុង