នារសៀលថ្ងៃទី១៤ ខែមករា ឆ្នាំ២០២៦ ឯកឧត្ដមសន្តិបណ្ឌិត គៀត ច័ន្ទថារិទ្ធ រដ្ឋលេខាធិកា រ ក្រសួងមហាផ្ទៃ បានអញ្ជេីញដឹកនាំ ប្រជុំពិនិត្យផ្ដល់យោបល់លើសេចក្តីព្រាងអនុក្រឹត្យស្តីពីការគ្រប់គ្រងស្ថិតិទេសចរណ៍ នៅសាលប្រជុំនៃអគ្គនាយកដ្ឋានអន្តោប្រវេសន៍។

កិច្ចប្រជុំនេះមានការអញ្ជើញចូលរួមពី ឯកឧត្តម អនុរដ្ឋលេខាធិការក្រសួងមហាផ្ទៃ អគ្គនាយក អគ្គនាយករង ប្រធាននាយកដ្ឋាន អនុប្រធាននាយកដ្ឋាន នាយការិយាល័យ និងមន្ត្រីពាក់ព័ន្ធនៃអគ្គនាយកដ្ឋានអន្តោប្រវេសន៍។

កិច្ចប្រជុំបានស្តាប់ទៅលើសេចក្តីរាយការណ៍របស់ ឯកឧត្តមឧត្តមសេនីយ៍ឯក ណុប វី អគ្គនាយករង ដែលបានចូលរួមប្រជុំជាមួយក្រសួងទេសចរណ៍រយៈពេលកន្លងមក និងបានស្ដាប់មតិរបស់ ឯកឧត្តមឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋានអន្តោប្រវេសន៍ គឺបញ្ហាទីមួយ អំពីចំណុចមួយចំនួនដែលពាក់ព័ន្ធនឹងវាក្យសព្ទ "ទេសចរណ៍"។

បញ្ហាទីពីរ គឺតួនាទីភារកិច្ចរបស់អគ្គនាយកដ្ឋានអន្តោប្រវេសន៍ក្នុងការផ្ដល់ទិន្នន័យដំណើរចេញចូលរបស់ភ្ញៀវឱ្យទៅក្រសួងទេសចរណ៍ និងទីបី គឺការសំណូមពរមួយចំនួន។ បន្ទាប់មកទៀតមានការចូលរួមមតិពីសមាជិកអង្គប្រជុំ ហើយចុងក្រោយខ្ញុំបាទបានធ្វើការគូសបញ្ជាក់ និងដោះស្រាយសំណូមពរមួយចំនួនរបស់អង្គប្រជុំទាក់ទងនឹងវាក្យសព្ទ "ទេសចរណ៍" ដែលមានបញ្ចូលធុរជននៅក្នុងនោះ និងបានណែនាំអំពីរបៀបរៀបចំស្ថិតិរដ្ឋបាលដើម្បីផ្ដល់ជូនក្រសួងទេសចរណ៍។

ប្រភព៖ អគ្គនាយកដ្ឋានអន្តោប្រវេសន៍