នៅព្រឹកថ្ងៃទី២ ខែកញ្ញា ឆ្នាំ២០២៦ ឯកឧត្តមបណ្ឌិត ទូច វិសាលសុខ រដ្ឋលេខាធិការក្រសួងមហាផ្ទៃ បានអញ្ជើញជួបប្រជុំពិភាក្សាការងារជាមួយអគ្គនាយក នៃនាយកដ្ឋានកិច្ចសហប្រតិបត្តិការអភិវឌ្ឍន៍ ក្រសួងការបរទេស នៃសាធារណរដ្ឋកូរ៉េ។

រសៀលថ្ងៃដដែលនេះ ឯកឧត្តមបណ្ឌិត ទូច វិសាលសុខ បានអញ្ជើញដឹកនាំគណៈប្រតិភូក្រសួងមហាផ្ទៃ ទស្សនកិច្ចនៅមជ្ឈមណ្ឌលបញ្ជាការ ១១២ នៃទីភ្នាក់ងារនគរបាលក្រុងសេអ៊ូល។ បន្ទាប់មកគណៈប្រតិភូ ក៏បានបន្តទស្សនកិច្ចនៅមជ្ឈមណ្ឌលឆ្លើយតបការបោកបន្លំតាមទូរគមនាគមន៍។

គណៈប្រតិភូក្រសួងមហាផ្ទៃ ដែលដឹកនាំដោយឯកឧត្តមបណ្ឌិត ទូច វិសាលសុខ នឹងអញ្ជើញបំពេញទស្សនកិច្ចនៅសាធារណរដ្ឋកូរ៉េ ដើម្បីជួបពិភាក្សា និងពង្រឹងកិច្ចសហប្រតិបត្តិការជាមួយស្ថាប័នសន្តិសុខ នៃសាធារណរដ្ឋកូរ៉េ និងធ្វើទស្សនកិច្ចសិក្សានៅទីបញ្ជាការប្រចាំបញ្ជាសន្តិសុខ ចាប់ពីថ្ងៃទី១ ដល់ថ្ងៃទី៥ ខែកញ្ញា ឆ្នាំ២០២៦៕