នាព្រឹកថ្ងៃចន្ទ ១៤កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៨ ខែកុម្ភៈ ឆ្នាំ២០១៩ នៅទីស្តីការក្រសួងមហាផ្ទៃ គណៈកម្មាធិការអន្តរក្រសួង ក្រុមការងារលេខាធិការដា្ឋន បានបើកកិច្ចប្រជុំក្រុមការងារបច្ចេកទេស នៃគណៈកម្មការអន្តរក្រសួងអនុវត្តគោលការណ៍សម្រេចរបស់រាជរដ្ឋាភិបាលក្នុងការបង្កើតប្រព័ន្ធទទួលព័ត៌មានអ្នកដំណើរមុខពេលមកដល់ (APIS) ប្រព័ន្ធទិន្នន័យបច្ចេកទេសវិទ្យាគ្រប់គ្រងជនបរទេសអន្តោប្រវេសន្ត និងជនបរទេស ស្នាក់នៅតាមសណ្ឋាគារ ផ្ទះសំណាក់ និងទីតាំងផ្តល់សេវាប្រហាក់ប្រហែល ដោយមានការអញ្ជើញចូលរួមក្រសួង ស្ថាប័នពាក់ព័ន្ធជាច្រើនផងដែរ។ កិច្ចប្រជុំនេះធ្វើឡើងដើម្បី ប្រមូលធាតុចូលលើការងារ នីតិវិធីក្នុងការអនុវត្តគោលរបស់រាជរដ្ឋាភិបាល និងផែនការសកម្មភាពជាក់ស្តែង។
គួររំលឹកដែរថា កាលពីថ្ងៃទី៨ ខែមករា ឆ្នាំ២០១៩ ក្រសួងមហាផ្ទៃ បានចេញសេចក្តីសម្រេច ស្តីពីការបង្កើតគណៈកម្មការអន្តរក្រសួងអនុវត្តគោលការណ៍សម្រេចរបស់រាជរដ្ឋាភិបាលក្នុងការបង្កើតប្រព័ន្ធទទួលព័ត៌មានអ្នកដំណើរមុខពេលមកដល់ (APIS) ប្រព័ន្ធទិន្នន័យបច្ចេកទេសវិទ្យាគ្រប់គ្រងជនបរទេសអន្តោប្រវេសន្ត និងជនបរទេស ស្នាក់នៅតាមសណ្ឋាគារ ផ្ទះសំណាក់ និងទីតាំងផ្តល់សេវាប្រហាក់ប្រហែល ដែលដឹកនាំ ឯកឧត្តម សន្តិបណ្ឌិត ម៉ៅ ប៊ុនណារិន រដ្ឋលេខាធិការក្រសួងមហាផ្ទៃ ជាប្រធាន និងមានសមាជិកចំនួន៥រូប៕គឹមអាន
ប្រភព៖ នាយកដ្ឋានព័ត៌មានវិទ្យា