សម្ដេចក្រឡាហោម  ស  ខេង  ឧបនាយករដ្ឋមន្ដ្រី  រដ្ឋមន្ដ្រីក្រសួងមហាផ្ទៃ  បានបញ្ជាក់ថា  ការងារអន្តោប្រវេសន៍ គឺជាកិច្ចការដ៏សំខាន់មួយ ក្នុងចំណោមកិច្ចការសំខាន់ៗដ៏ទៃទៀតរបស់ជាតិ ។ 

ក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០១៩  និងលេីកទិសដៅការងារឆ្នាំ២០២០របស់អគ្គនាយកដ្ឋានអន្ដោប្រវេសន៍ នៅរសៀលថ្ងៃទី៣០  ខែមករា  ឆ្នាំ២០២០ សម្ដេចក្រឡាហោម ស ខេង មានប្រសាសន៍ថា "ការងារអន្តោប្រវេសន៍ គឺជាកិច្ចការដ៏សំខាន់មួយ ក្នុងចំណោមកិច្ចការសំខាន់ៗដ៏ទៃទៀតរបស់ជាតិ ។ ការងារនេះ មានការពាក់ព័ន្ធដោយផ្ទាល់ទៅនឹងការរក្សាការពារសន្តិសុខជាតិ និងសុវត្ថិភាពសង្គមនៅក្នុងផ្ទៃក្នុងព្រះរាជាណាចក្រកម្ពុជា" ។ 

សម្ដេចបន្ដថា ក្រសួងមហាផ្ទៃ មានភារកិច្ចទទួលខុសត្រូវទាំងស្រុងចំពោះមុខរាជរដ្ឋាភិបាល ក៏ដូចជាចំពោះប្រជាជាតិទាំងមូល ជាមួយគ្នានេះ ការងារអន្តោប្រវេសន៍ ក៏ជាប់ទាក់ទិនមានឥទ្ធិពលដល់ការអនុវត្តគោលនយោបាយសំខាន់ៗនានា ដូចជានយោបាយការបរទេស នយោបាយទេសចរណ៍ វិនិយោគ ពាណិជ្ជកម្ម និងសេដ្ឋកិច្ច ហិរញ្ញវត្ថុជាដើម៕

ដោយ៖ នាយកដ្ឋានព័ត៌មានវិទ្យា