ប្រសាសន៍សំខាន់ៗរបស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ក្នុងឱកាសអញ្ជើញជាអធិបតីក្នុងពិធីប្រគល់រថយន្ត Ford ដល់ស្នងការដ្ឋាននគរបាលរាជធានី-ខេត្ត នៅទីស្តីការក្រសួងមហាផ្ទៃនាព្រឹកថ្ងៃទី២៩ ខែមករា ឆ្នាំ២០២០៖
- អ្នកនយោបាយអគតិមួយចំនួនបានយកបញ្ហា EBA មកធ្វើនយោបាយដើម្បីបម្រេីផលប្រយោជន៍ក្រុមរបស់ខ្លួនដោយបានបំផុសចលនាមហាជនទាំងក្នុងប្រទេស និងក្រៅប្រទសដែលមិនបានគិតពីផលប្រយោជន៍រួមរបស់ប្រទេសជាតិ
- គ្រប់ព័ត៌មានទាំងអស់ដែលផ្សព្វផ្សាយតាមប្រព័ន្ធសារព័ត៌មានទាំងអស់អាជ្ញាធរមានសមត្ថកិច្ចតាមដានជាប្រចាំ ដើម្បីអនុវត្តភារកិច្ចអោយបាមានប្រសិទ្ធភាព
- សម្តេចបានផ្ដាំផ្ញើទៅនគរបាលទាំងអស់មិនត្រូវបម្រើបក្សពួក និងក្រុមគ្រួសាររបស់ខ្លួនជាធំឡើយ ត្រូវបម្រើជាតិនិងប្រជាពលរដ្ឋជាធំ
- នគរបាលយុត្តិធម៌ទាំងអស់ ត្រូវពង្រឹង និងអភិវឌ្ឍន៍ជំនាញបន្តទៀត ដើម្បីអនុវត្តតួនាទីប្រកបដោយវិជ្ជាជីវៈ និងប្រសិទ្ធភាព
- ថ្នាក់ដឹកនាំអង្គភាពនីមួយៗត្រូវចេះវិភាគមុខងារជំនាញវិជ្ជាជីវៈឱ្យស្របតាម ការងាជាក់ស្កែង ដើម្បីកុំអោយខាតបង់ថវិការជាតិ និងបាត់បង់ធនធានមនុស្សតាមរយៈការប្រើប្រាស់មន្រ្តីខុសជំនាញ
- ពាក្យថា “ នគរបាលជាតិ “ គឺមិនមែននគរបាលរបស់ក្រុមណាមួយទេ!!! គឺជានគរបាលរបស់ជាតិ!!!
ដោយ៖ នាយកដ្ឋានព័ត៌មានវិទ្យា