ភ្នំពេញ ៖ ក្រុមការងាររបស់រាជរដ្ឋាភិបាល ដើម្បីដោះស្រាយសំណើ និងសំណូមពររបស់អង្គការសង្គមស៊ីវិល នឹងបន្តរៀបចំកិច្ចប្រជុំពិគ្រោះយោបល់ជាមួយតំណាងអង្គការសង្គមស៊ីវិល ដើម្បីពិនិត្យ និងពិភាក្សាលើខ្លឹមសារសំខាន់ៗ ពាក់ព័ន្ធការស្នើសុំធ្វើវិសោធនកម្មច្បាប់ ស្តីពីសមាគម និងអង្គការមិនមែនរដ្ឋាភិបាល។
ក្នុងសេចក្ដីប្រកាសព័ត៌មានរបស់ក្រសួងមហាផ្ទៃ នៅថ្ងៃទី២៨ ខែមករា ឆ្នាំ២០២០ នេះបានឲ្យដឹងថា «ចំពោះកិច្ចប្រជុំបន្ត ដើម្បីពិគ្រោះយោបល់នេះ ត្រូវរៀបចំឡើង នៅថ្ងៃទី១០ ខែកុម្ភៈ ឆ្នាំ២០២០ វេលាម៉ោង០៨និង៣០ នាទីព្រឹក នៅសាលប្រជុំទីស្តីការក្រសួងមហាផ្ទៃ»៕
ដោយ៖ នាយកដ្ឋានព័ត៌មានវិទ្យា