ព្រឹកថ្ងៃព្រហស្បតិ៍ ទី៩ ខែមករា ឆ្នាំ២០២០ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន អញ្ជើញដឹកនាំកិច្ចប្រជុំពិភាក្សា របាយការណ៍ ស្តីពីលទ្ធផល នៃការចុះអង្កេតស្រាវជ្រាវ ករណីបណ្តឹងរបស់ប្រជាពលរដ្ឋចំនួន១០រូប តំណាងឱ្យប្រជាពលរដ្ឋចំនួន៥១៤គ្រួសារ នៅភូមិចំនួន៤ ក្នុងស្រុកពាមជរ ខេត្តព្រៃវែង សូមគោរពជូន សម្តេចក្រឡាហោម មេត្តាជួយអន្តរាគមន៍បញ្ចុះតម្លៃបូមទឹកបញ្ចូលស្រែ សុំឱ្យតម្លៃអោយបានប្រហាក់ប្រហែលនឹងភូមិក្បែរខាង និងស្នើសុំពិនិត្យអ្នកគ្រប់គ្រងប្រឡាយផងដែរ។
កិច្ចប្រជុំនេះប្រព្រឹត្តទៅ នៅសាលប្រជុំរបស់អគ្គាធិការដ្ឋាន និង មានការអញ្ជើញចូលរួមពី ឯកឧត្តម អគ្គាធិការរង ប្រធាន នាយកដ្ឋាន អនុប្រធាននាយកដ្ឋាន និងមន្ត្រីជំនាញ៕
ប្រភព៖ អគ្គាធិការដ្ឋាន