អគ្គាធិការដ្ឋាន ក្រសួងមហាផ្ទៃ បើកកិច្ចប្រជុំពិភាក្សារបាយការណ៍ស្តីពី លទ្ធផលនៃការអង្កេតស្រាវជ្រាវ ករណីបណ្តឹងរបស់ប្រជាពលរដ្ឋ១គ្រួសារ រស់នៅស្រុកទឹកឈូ ខេត្តកំពត
រសៀលថ្ងៃព្រហស្បតិ៍ ទី២៦ ខែធ្នូ ឆ្នាំ២០១៩ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន បើកកិច្ចប្រជុំពិភាក្សារបាយការណ៍ស្តីពី លទ្ធផលនៃការអង្កេតស្រាវជ្រាវ ករណីបណ្តឹងរបស់ប្រជាពលរដ្ឋ១គ្រួសារ រស់នៅស្រុកទឹកឈូ ខេត្តកំពត សូមគោរពជូន សម្តេចក្រឡាហោម មេត្តាជួយរកយុត្តិធម៌ ដោយកើតទុកមិនសុខចិត្តប្តឹងមន្ត្ត្រីនគរបាល១រូប បម្រើការងារនៅស្នងការដ្ឋាននគរបាលខេត្តកំពត ថាបានរារាំងមិនឱ្យពួកគាត់ចាក់ដីដាក់លូធ្វើផ្លូវចូលផ្ទះរបស់ពួកគាត់រហូតឈានដល់ការប្រើអំពើហឹង្សាលើមកពួកគាត់ទៀត ទោះជាមានលិខិតសំណើសុំរបស់ពួកគាត់បានទទួលការអនុញ្ញាតឱ្យចាក់ដីដាក់លូពីអាជ្ញាធរដែនដីតាមលំដាប់ថ្នាក់ក៏ដោយ។
កិច្ចប្រជុំនេះប្រព្រឹត្តទៅនៅ សាលប្រជុំរបស់អគ្គាធិការដ្ឋាន និង មានការអញ្ជើញចូលរួមពី ឯកឧត្តម អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ៕
ប្រភព៖ អគ្គាធិការដ្ឋាន
