នាព្រឹកថ្ងៃអង្គារ ទី៥ ខែវិច្ឆិកា ឆ្នាំ២០១៩នេះ អគ្គាធិការ ក្រសួងមហាផ្ទៃ បើកនាំកិច្ចប្រជុំពិភាក្សារបាយការណ៍ស្តីពីលទ្ធផល នៃការចុះអង្កេតស្រាវជ្រាវ ក្រោមអធិបតីភាព ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន នៅសាលប្រជុំរបស់អគ្គាធិការដ្ឋាន ដោយមានការចូលរួមពី អគ្គាធិការរង ប្រធាន អនុប្រធាននាយកដ្ឋាន និងមន្ត្រីជំនាញពាក់ព័ន្ធផងដែរ។
កិច្ចប្រជុំនេះបានពិភាក្សាលើរបាយការណ៍លទ្ធផល នៃការចុះអង្កេតស្រាវជ្រាវ ចំនួន២ករណី ៖
១.ករណីប្រជាពលរដ្ឋប្តឹងមន្ត្រីនគរបាល១រូប ថាបានរំលោភសេចក្តីទុកចិត្ត
២.ករណីការចុះផ្សាយរបស់សារព័ត៌មានបានចោទប្រកាន់ ស្នងការខេត្ត១រូបថា បណ្តែតបណ្តោយឱ្យមានល្បែងស៊ីសង និងកើតមានអំពើចោរកម្មធ្វើឱ្យប្រជាពលរដ្ឋមានការភ័យខ្លាច៕
ប្រភព៖ អគ្គាធិការដ្ឋាន