នៅថ្ងៃព្រហស្បតិ៍ ទី១ ខែសីហា ឆ្នាំ២០១៩នេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដឹកនាំគណៈប្រតិភូជាន់ខ្ពស់ក្រសួងមហាផ្ទៃ ធ្វើមាតុភូមិនិវត្តន៍ត្រឡប់មកប្រទេសកម្ពុជាវិញ បន្ទាប់ពីបានបំពេញទស្សនកិច្ចផ្លូវការនៅសាធារណរដ្ឋតួកគី ដែលតបតាមការអញ្ជើញរបស់ឯកឧត្តម SULEYMAN SOLU រដ្ឋមន្រ្តីក្រសួងមហាផ្ទៃនៃសាធារណរដ្ឋតួកគី រយ:ពេល០៥ថ្ងៃកន្លងមក។ អញ្ជើញទទួលដំណើរនិវត្តន៍របស់សម្តេចក្រឡាហោមនៅអាកាសយានដ្ឋានពោធិ៍ចិនតុងនារសៀលនេះរួមមានឯកឧត្តម រដ្ឋលេខាធិកា អនុរដ្ឋលេខាធិការ និងថ្នាក់ដឹកនាំជាច្រើនទៀតផងដែរ។ 
      សូមបញ្ជាក់ថា ក្នុងដំណើរទស្សនកិច្ចចាប់ពីថ្ងៃទី២៨ ខែកក្កដា ដល់ថ្ងៃទី១ ខែសីហា ឆ្នាំ២០១៩នេះដែរ​ សម្ដេចក្រឡាហោម ស ខេង នឹងជួបពិភាក្សាការងារជាមួយ​ ឯកឧត្តម SULEYMAN SOLU រដ្ឋមន្រ្តី​ ក្រសួងមហាផ្ទៃ​ នៃសាធារណរដ្ឋតួកគី និងអញ្ជើញចុះហត្ថលេខាលើកិច្ចព្រមព្រៀងស្ដីពីកិច្ចសហប្រតិបត្តិការលើវិស័យសន្តិសុខ រវាងរាជរដ្ឋាភិបាលនៃប្រទេសទាំងពីរផងដែរ៕ រម្យ

ដោយ៖ នាយកដ្ឋានព័ត៌មានវិទ្យា