នៅព្រឹកថ្ងៃពុធ ១កើត ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៦ ខែមីនាឆ្នាំ២០១៩ នាសាលប្រជុំនាយកដ្ឋានភស្តុភារនិងហិរញ្ញវត្ថុ អគ្គនាយកដ្ឋានភស្តុភារ និងហិរញ្ញវត្ថុ បានរៀបចំកិច្ចប្រជុំបូកសរុបលទ្ធផលការងារខែកុម្ភៈ និងលើកទិសដៅការងារខែមីនា ឆ្នាំ២០១៩ ក្រោមអធិបតីភាព ឯកឧត្តម នាយឧត្តមសេនីយ៍ សេង យូអ៊ាន់ អគ្គនាយក នៃអគ្គនាយកដ្ឋានភស្តុភារ និងហិរញ្ញវត្ថុ ដោយមានការអញ្ជើញចូលរួមពី ឯកឧត្តម លោកជំទាវ ជាអគ្គនាយករង-ប្រធាននាយកដ្ឋាន លោក លោកស្រី អនុប្រធាននាយកដ្ឋាន នាយ-នាយរងការិយាល័យនិងមន្រ្តីពាក់ព័ន្ធសរុប ចំនួន ៣០២នាក់ ។
ឯកឧត្តម ឧត្តមសេនីយ៍ឯក កុសល ភិរម្យ អគ្គនាយករងនៃអគ្គនាយកដ្ឋានភស្តុភារ និងហិរញ្ញវត្ថុ បានឡើងអានពង្រាង របាយការណ៍បូកសរុបលទ្ធផលការងាររបស់អគ្គនាយកដ្ឋានភស្តុភារ និងហិរញ្ញវត្ថុ ដែលសម្រេចបានក្នុងខែកុម្ភៈកន្លងទៅ និងបានកំណត់នូវទិសដៅសំខាន់ៗដើម្បីអនុវត្តការងារបន្តនៅខែមិនាខាងមុខផងដែរ។
ឯកឧត្តម ងួន ពៅ និង ឯកឧត្តម ឧត្តមសេនីយ៍ឯក ងិន បាណាល់ អគ្គនាយករងនៃអគ្គនាយកដ្ឋានភស្តុភារ និងហិរញ្ញវត្ថុ បានឡើងធ្វើបទអន្តរាគមន៍ដោយបានលើកឡើងពីចំណុចខ្លាំងដែលជាមោទនភាព ជាស្នាដៃរបស់អង្គភាព និង ចំណុចខ្សោយដែលគួរកែតម្រូវ ។
ឯកឧត្តម នាយឧត្តមសេនីយ៍ សេង យូអ៊ាន់ អគ្គនាយក នៃអគ្គនាយកដ្ឋានភស្តុភារ និងហិរញ្ញវត្ថុ សម្តែងនូវការកោតសរសើរចំពោះលទ្ធផល ដែលអង្គភាពចំណុះ អគ្គនាយកដ្ឋានភស្តុភារ និងហិរញ្ញវត្ថុសម្រេចបាននៅក្នុងខែកុម្ភៈកន្លងទៅនេះ និងបានកែតម្រូវនូវទិសដៅការងារមួយចំនួនប្រចាំខែមិនាផងដែរ ។ ឯកឧត្តម នាយឧត្តមសេនីយ៍ បានមានមតិផ្តាំផ្ញើដល់ថ្នាក់ដឹកនាំនិងមន្ត្រីក្រោមឱវាទទាំងអស់ចំណុះអគ្គនាយកដ្ឋានភស្តុភារ និងហិរញ្ញវត្ថុ ត្រូវខិតខំបំពេញការងារឱ្យបានល្អប្រកបដោយតម្លាភាព និងប្រសិទ្ធភាពខ្ពស់បំផុត៕ គឹមអាន
ប្រភព៖ អគ្គនាយកដ្ឋានភស្តុភារ និងហិរញ្ញវត្ថុ