អគ្គាធិការដ្ឋាន នៃក្រសួងមហាផ្ទៃ រៀបចំពិធីអបអរសាទរខួបអនុស្សាវរីយ៍ទិវានារីអន្តរជាតិ ០៨ មីនា លើកទី១០៨
រសៀលថ្ងៃចន្ទ ១៣រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៤ ខែមីនា ឆ្នាំ២០១៩ អគ្គាធិការដ្ឋាន មានរៀបចំពិធីអបអរសាទរខួបអនុស្សាវរីយ៍លើកទី១០៨ ទិវានារីអន្តរជាតិ ០៨ មីនា ឆ្នាំ២០១៩ ក្រោមប្រធានបទ «លើកកម្ពស់សមត្ថភាពយេនឌ័រ និងការគាំពារសង្គម ដើម្បីអភិវឌ្ឍន៍ធនធានមនុស្ស» ក្រោមអធិបតីភាព ឯកឧត្តម អ៉ីវ លាង អគ្គាធិការ នៃអគ្គាធិការដ្ឋានក្រសួងមហាផ្ទៃ នៅសាលប្រជុំអគ្គាធិការដ្ឋាន ដែលមានការអញ្ជើញចូលរួមពីឯកឧត្តម លោកជំទាវ អគ្គាធិការរង ប្រធាននាយកដ្ឋាន ប្រធានការិយាល័យ និងមន្ត្រីជាស្ត្រី នៃអគ្គាធិការដ្ឋាន សរុបប្រមាណ ៧២រូប។
ក្នុងនោះ ឯកឧត្តម ក៏បានឧបត្ថម្ភថវិកាមួយចំនួន និងសំពត់ចំនួន ១ ដល់មន្ត្រីជាស្ត្រីផងដែរ។
ប្រភព៖ អគ្គាធិការដ្ឋាន
