នៅថ្ងៃចន្ទ ១៣រោច ខែមាឃ ឆ្នាំច សំរឹទ្ធិស័ក ព.ស ២៥៦២ត្រូវនឹងថ្ងៃទី៤ ខែមីនា ឆ្នាំ២០១៩នេះ ក្រសួងមហាផ្ទៃ បានចេញសារលិខិតជម្រាបជូនដល់ អភិបាលនៃ គណៈអភិបាលរាជធានី-ខេត្តទាំងអស់ ត្រូវបង្កលក្ខណៈងាយស្រួលដល់ការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ អាណត្តិទី៣ ឆ្នាំ២០១៩នាពេលខាងមុខនេះ។
តាមរយៈសារលិខិតនេះដែរ ក្រសួងមហាផ្ទៃ បានស្នើសុំឲ្យរដ្ឋបាលរាជធានីខេត្តធ្វើការណែនាំដល់អាជ្ញាធរឃុំ សង្កាត់ ជួយសម្របសម្រួល និងបង្កលក្ខណងាយស្រួលក្នុងការចេញលិខិតបញ្ជាក់ផ្សេងៗជូនដល់បេក្ខជនឈរឈ្មោះបោះឆ្នោត របស់គណបក្សបយោបាយដែលបានចុះបញ្ជីត្រឹមត្រូវតាមច្បាប់ស្តីពីគណបក្សនយោបាយ សម្រាប់យកទៅប្រើប្រាស់ក្នុងការចុះបញ្ជីគណបក្សបយោបាយ និងបេក្ខជនឈរឈ្មោះបោះឆ្នោតជ្រើសរើសក្រុមប្រឹក្សា ស្របតាមច្បាប់ស្តីពីការបោះឆ្នោត បទបញ្ជា និងនីតិវិធីរបស់ក្រសួង៕ គឹមអាន
ខាងក្រោមនេះជាសារលិខិតទាំងស្រុង៖