ក្រសួងមហាផ្ទៃ បើកកិច្ចប្រជុំពិភាក្សាការងារ ស្ដីពីការកំណត់សកម្មភាពជាអទិភាព សម្រាប់អនុវត្តនៅឆ្នាំ២០២១ និងឆ្នាំ២០២២របស់គម្រោង លាភ ខេត្តសៀមរាប
នៅទីស្តីការក្រសួងមហាផ្ទៃ នារសៀលថ្ងៃចន្ទ ទី២៣ ខែតុលា ឆ្នាំ២០២០ ក្រសួងមហាផ្ទៃ បើកកិច្ចប្រជុំស្ដីពីការកំណត់សកម្មភាពជាអទិភាព សម្រាប់អនុវត្តនៅឆ្នាំ២០២១ និងឆ្នាំ២០២២ ក្រោមអធិបតីភាព ឯកឧត្តម ងី ច័ន្រ្ទផល រដ្ឋលេខាធិការក្រសួងមហាមផ្ទៃ និងជាប្រធានសម្របសម្រួលគម្រោងលាភ (Livelihood Enhancement & Association of the poor (LEAP) ដោយមានការចូលរួមពី ឯកឧត្តម ប្រាក់ សំអឿន អគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃ ព្រមទាំងប្រធានគ្រប់គ្រងគម្រោងលាភ និងមន្ត្រីជំនាញជាច្រើនរូបទៀតផងដែរ។
គួរជម្រាបថា ការបើកកិច្ចប្រជុំពិភាក្សាការងារ ស្ដីពីការកំណត់សកម្មភាពជាអទិភាព សម្រាប់អនុវត្តនៅឆ្នាំ២០២១ និងឆ្នាំ២០២២របស់គម្រោង លាភ ខេត្តសៀមរាបនេះ គឺក្នុងន័យដើម្បីពិភាក្សាឱ្យបានលំអិតអំពីបញ្ហាមួយចំនួន ធានាឱ្យបាននូវគុណភាព និងប្រសិទ្ធិភាពរបស់គម្រោងនាឆ្នាំខាងមុខ៕
ដោយ៖ នាយកដ្ឋានព័ត៌មានវិទ្យា
