កិច្ចប្រជុំពិភាក្សា និងត្រួតពិនិត្យ អំពីការងារស៊ើបអង្កេតផលសម្អាង បទល្មើសនៃការលាងសម្អាតប្រាក់ និងហិរញ្ញប្បទានភេរវកម្ម
នៅថ្ងៃទី០៨ ខែកក្កដា ឆ្នាំ២០១៩ នៅទីស្តីការក្រសួងមហាផ្ទៃ ឯកឧត្តម ងី ច័ន្ទ្រផល រដ្ឋលេខាធិការ និងជាប្រធានក្រុមការងារត្រួតពិនិត្យឡើងវិញ Review Panel Group - RPG បានបើកកិច្ចប្រជុំពិភាក្សាការងារ និងត្រួតពិនិត្យរបាយការណ៍វឌ្ឍនភាពការងារប្រចាំឆមាសទី១ និងទិសដៅបន្តសម្រាប់ឆមាសទី២ ឆ្នាំ២០១៩។
កិច្ចប្រជុំបានប្រព្រឹត្តទៅដោយមានការចូលរួមពីសមាសភាពនៃអគ្គនាយកដ្ឋាន អង្គភាព ចំណុះក្រសួងមហាផ្ទៃ ដែលជាសមាជិកនៃ ក្រុមការងារទាំងអស់ដើម្បីប្រមូលធាតុចូលសំខាន់ៗ ក្នុងគោលដៅ ពង្រឹង ប្រសិទ្ធភាព នៃការងារស៊ើបអង្កេតផលសម្អាងនៃបទល្មើស ការងារបង្ការ ទប់ស្កាត់ បង្រ្កាបបទល្មើសនៃការលាងសម្អាតប្រាក់ និងហិរញ្ញប្បទាន ភេរវកម្មឲ្យកាន់តែមានល្អប្រសើឡើងថែមទៀត ៕
ដោយ៖ នាយកដ្ឋានព័ត៌មានវិទ្យា
