ឯកឧត្តម ម៉ៅ ភិរុណ បានអញ្ជើញជាអធិបតី ក្នុងពិធីសម្ពោធដាក់អោយប្រើប្រាស់ជាផ្លូវការនូវអគាររដ្ឋបាលឃុំព្រែកជ្រៃ ស្រុកកោះធំ ខេត្តកណ្តាល
នាព្រឹកថ្ងៃអាទិត្យ ៤រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១ ខែកក្កដា ឆ្នាំ២០១៨ ឯកឧត្តម ម៉ៅ ភិរុណ អភិបាលនៃគណៈអភិបាលខេត្តកណ្តាល បានអញ្ជើញជាអធិបតីក្នុងពិធីសម្ពោធដាក់អោយប្រើប្រាស់ជាផ្លូវការនូវអាគាររដ្ឋបាលឃុំព្រែកជ្រៃ ស្រុកកោះធំ ខេត្តកណ្តាល។ សមាសភាពអញ្ជើញចូលរួមមាន ឯកឧត្តម អភិបាលរងខេត្ត សមាជិកក្រុមប្រឹក្សាខេត្ត លោកលោកស្រី ប្រធានមន្ទីរអង្គភាពជុំវិញខេត្ត អភិបាលស្រុក មន្ត្រីពាក់ព័ន្ទ និងប្រជាពលរដ្ឋសរុបចំនួនជិត ៧០០ នាក់។ បន្ទាប់មក ឯកឧត្តមបានអញ្ជើញចុះពិនិត្យការដ្ឋានផ្លូវនៅភូមិបាក់ណាម ឃុំព្រែកជ្រៃ ស្រុកកោះធំ ខេត្តកណ្តាល ដែលកំពុងតែដំណើរការសាងសង់។
