ថ្ងៃពុធ ៨កើត ខែបឋមាសាធ ឆ្នាំច សំរឹទ្ធិស័ក ព.ស២៥៦២ ថ្ងៃទី២០ ខែមិថុនា ឆ្នាំ២០១៨ ឯកឧត្តម ស្បោង សរ៉ាត ប្រធានក្រុមប្រឹក្សាខេត្ត និងឯកឧត្តម ជា សុមេធី អភិបាលខេត្ត មន្ត្រីរាជការ កងកម្លាំងប្រដាប់អាវុធ ព្រមទាំងព្រះសង្ឃ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋ ក្នុងខេត្តព្រៃវែង ជាពិសេសក្នុងស្រុកកញ្ច្រៀច សូមសំដែងនូវគារវៈកិច្ចគោរពយ៉ាងជ្រាលជ្រៅបំផុត ចំពោះវត្តមានដ៏ថ្លៃថ្លារបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្រ្តី ក្រសួងមហាផ្ទៃ ដែលបានឆ្លៀតឱកាសដ៏មមាញឹក និងមានតម្លៃបំផុតអញ្ជើញជាអធិបតីដ៏ខ្ពង់ខ្ពស់ ក្នុងពិធីពិនិត្យ និងព្យាបាលជម្ងិឺឥតគិតថ្លៃដោយក្រុមគ្រូពេទ្យស័្មគ្រចិត្ត ស សុខា ចំនួន ៣០០០នាក់ ស្ថិតនៅបរិវេណវិទ្យាល័យព្រះបាទនរោត្ដម ឃុំកញ្រ្ចៀច ស្រុកកញ្រ្ជៀច ខេត្តព្រៃវែង។ បន្ទាប់មក សម្តេចក្រឡាហោម ស ខេង តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក៍បានអញ្ចើញចូលរួម ពិធីបុណ្យបញ្ចុះខ័ណ្ឌសីមាព្រះវិហារវត្តធម្មនិមិត្ត (ហៅវត្តថ្មទឹកដាច់) ឃុំគោកគង់ខាងកើត ស្រុកកញ្រ្ជៀច ខេត្តព្រៃវែង។ ជាថ្មីម្តងទៀត ឯកឧត្តមប្រធានក្រុមប្រឹក្សាខេត្ត ឯកឧត្តម អភិបាលខេត្ត និងប្រជាពលរដ្ឋ ទូទាំងខេត្តព្រៃវែង សូមគោរពជូនពរ សម្តេចក្រឡាហោម ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ និងលោកជំទាវ ព្រមទាំងសហការី សូមមានសុខភាពល្អ បរិបូរណ៍ប្រាជ្ញាឈ្លៀសវៃ និងជ័យជំនះគ្រប់ភារកិច្ច ដើម្បីដឹកនាំ និងអភិវឌ្ឍន៌ ជាតិមាតុភូមិ អោយមានភាពរុងរឿង និងរីកចម្រើន តទៅ