នាព្រឹកថ្ងៃសុក្រទី១៣កើតខែពិសាខឆ្នាំច សំរឹទ្ធិស័ក ពស ២៥៦១ ត្រូវនឹងថ្ងៃទី២៧ខែមេសាឆ្នាំ២០១៨ លោក ឡូរ៉ង់ ទ្រីប៉ូណេ ភារធារីស្ថានទូត សាធារណរដ្ឋបារាំង ប្រចាំប្រទេសកម្ពុជាបានចូលជួបសម្តែងការគួរសមជាមួយ លោកស្រី ហៀក ហ៊ីមុល្លី អភិបាលរងខេត្តព្រះសីហនុ លោក ឡូរ៉ង់ ទ្រីប៉ូណេ មានគោលបំណងស្វែងយល់អំពីជីវភាពនិងការប្រកបរបររបស់ប្រជាជននិងភ្ញៀវទេសចរណ៍ ដែរមកវិនិយោគនៅខេត្តព្រះសីហនុ។ លោកក៏ចង់សិក្សាស្វែងយល់អំពីអាជីវកម្មនិងការវិនិយោគជនបរទេសនានានៅខេត្តព្រះសីហនុហើយគាត់មានគម្រោងជំរុញទេសចរណ៍បារាំងអោយមកចាប់អារម្មណ៍នៅខេត្តព្រះសីហនុ លោកស្រី ហៀក ហ៊ីមុល្លី អភិបាលរងខេត្តព្រះសីហនុបានស្វាគមន៍ដល់លោកឡូរ៉ង់ ទ្រីប៉ូណេ ភារធារីស្ថានទូត សាធារណរដ្ឋបារាំង ដែលបានពិភាក្សាស្វែងយល់ពីវិស័យទេសចរណ៍នៅខេត្តព្រះសីហនុ រូមទាំងបានស្នើអោយលោកជួយណែនាំបង្ហាញពីវិស័យទេសចរណ៍ក្នុងខេត្តព្រះសីហនុ ដល់ជនជាតិរបស់ខ្លួនដើម្បីបានមកទស្សនាតំបន់ទេសចរណ៍នានាក្នុងទឹកដីខេត្តព្រះសីហនុ។ ប្រភពព័ត៌មាន: រដ្ឋបាលខេត្តព្រះហនុ (ថ្ងៃទី២៧ ខែមេសា ឆ្នាំ២០១៨)
