នារសៀលថ្ងៃអង្គារ ៨រោច ខែបុស្ស ឆ្នាំរកា នព្វស័ក ព.ស ២៥៦១ ត្រូវថ្ងៃទី០៩ ខែមករា ឆ្នាំ២០១៨នេះ ឯកឧត្តមបណ្ឌិត គឹម ធា ប្រធានក្រុមប្រឹក្សាខេត្ត និងឯកឧត្តម ហែម ពិសិដ្ឋ អភិបាលរង នៃគណៈអភិបាលខេត្ត តំណាងឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង បានអញ្ជើញជាគណៈអធិបតីក្នុងអង្គសិក្ខាសាលាផ្សព្វផ្សាយ ស្តីពីវគ្គបណ្តុះបណ្តាលពិសេសថ្នាក់បរិញ្ញាបត្រជាន់ខ្ពស់ ជំនាញអភិវឌ្ឍន៍ជនបទ និងជំនាញសុខភាពសហគមន៍ ដែលសហការរៀបចំដោយសាកលវិទ្យាល័យអន្តរជាតិ និងស្ថានីយ៍ទូរទស្សន៍នាគព័ន្ធ នៅសាលប្រជុំសាកលវិទ្យាល័យស្វាយរៀង ។ សិក្ខាសាលានេះមានការអញ្ជើញចូលរួមពីលោកសាកលវិទ្យាធិការរងសាកលវិទ្យាល័យស្វាយរៀង លោក លោកស្រីប្រធានមន្ទីរ-អង្គភាពនានាក្នុងខេត្ត តំណាងអាជ្ញាធរក្រុង ស្រុក ថ្នាក់ដឹកនាំ និងបុគ្គលិក នៃសាកលវិទ្យាល័យអន្តរជាតិ និងស្ថានីយ៍ទូរទស្សន៍នាគព័ន្ធ មន្ត្រីរាជការ និស្សិត ព្រមទាំងអ្នកពាក់ព័ន្ធមួយចំនួន ៕ ប្រភពព័ត៌មាន: រដ្ឋបាលខេត្តស្វាយរៀង (ថ្ងៃទី១០ ខែមករា ឆ្នាំ២០១៨)