លោកជំទាវ ឯក សុវណ្ណភារៈ អភិបាលរងខេត្តស្វាយរៀង តំណាងឯកឧត្តម ម៉ែន វិបុល អភិបាលខេត្តបានអញ្ជើញចូលរួមកម្មវិធីសិក្ខាសាលាស្តីពីការផ្សព្វផ្សាយខ្លឹមសារអនុក្រឹត្យស្តីពី ការគ្រប់គ្រងប្រព័ន្ធលូ និងប្រព័ន្ធប្រព្រឹត្តកម្មទឹកកខ្វក់
September 17, 2019

        នាព្រឹកថ្ងៃអង្គារ ទី ១៧ ខែកញ្ញា ឆ្នាំ២០១៩ នេះ លោកជំទាវ ឯក សុវណ្ណភារៈ អភិបាលរងខេត្តស្វាយរៀង តំណាងឯកឧត្តម ម៉ែន វិបុល អភិបាលខេត្តបានអញ្ជើញចូលរួមកម្មវិធីសិក្ខាសាលាស្តីពីការផ្សព្វផ្សាយខ្លឹមសារអនុក្រឹត្យស្តីពី ការគ្រប់គ្រងប្រព័ន្ធលូ និងប្រព័ន្ធប្រព្រឹត្តកម្មទឹកកខ្វក់ និងការបណ្តុះបណ្តាលមន្រ្តីការិយាល័យច្រកចេញចូលតែមួយក្រុង ស្រុក ទៅលើមុខងារដែលបានធ្វើប្រតិភូកម្ម ក្រោមអធិបតីភាព ឯកឧត្តម សួន រចនា រដ្ឋលេខាធិការ និងជាអនុប្រធានប្រចាំការ នៃគណៈកម្មការដឹកនាំកំណែទម្រង់វិមជ្ឈការ និងសហវិមជ្ឈការក្រសួងសាធារណការ និងដឹកជញ្ជូន និងមានការចូលរួមពីឯកឧត្តមសមាជិកក្រុមប្រឹក្សាខេត្ត លោកអភិបាលក្រុង ស្រុក ប្រធានមន្ទីរសាធារណការ និងដឹកជញ្ជូន និងមន្រ្តីជំនាញការិយាល័យ អង្គភាពពាក់ព័ន្ធជាច្រើនរូបទៀតសរុបចំនួន ២៦០នាក់ មកពីរាជធានីភ្នំពេញ ខេត្តស្វាយរៀង ខេត្តព្រៃវែង ខេត្តកណ្តាល ខេត្តតាកែវ និងខេត្តបាត់ដំបង ស្ថិតនៅសាលប្រជុំសណ្ឋាគារវ៉ៃគោ ក្រុងស្វាយរៀង។

       លោកជំទាវ ឯក សុវណ្ណភារៈ អភិបាលរងខេត្ត បានមានប្រសាសន៍វាយតម្លៃខ្ពស់ ចំពោះការរៀបចំអង្គសិក្ខាសាលានេះឡើង គឺមិនត្រឹមផ្តល់នូវជំនាញ និងចំណេះដឹងប៉ុណ្ណោះទេ គឺជាវេទិកាមួយសម្រាប់ផ្លាស់ប្តូរមតិយោបល់ បទពិសោធន៍ការងារ និង បញ្ហាប្រឈមនានា ដែលកើតក្នុងពេលអនុវត្តការងារជាក់ស្តែង ថែមទាំងជាឱកាសមួយសម្រាប់កំណត់ការកែលម្អ ដើមី្បឆ្លើយតបទៅនឹងបរិការណ៍ថ្មីៗនៃសង្គមសេដ្ឋកិច្ចជាតិ បច្ចុប្បន្ន និងទៅអនាគត ។ 

       គោលបំណងសិក្ខាសាលានេះមានៈ
- ផ្សព្វផ្សាយខ្លឹមសារអនុក្រឹត្យលេខ ២៣៥ អនក្រ.បក ស្តីពីការគ្រប់គ្រងប្រព័ន្ធលូ និងប្រព័ន្ធប្រព្រឹត្តកម្មទឹកកខ្វក់ ដែលមានចំនួន ៨ ជំពូក និង ៥៤ មាត្រា ។
- ការណែនាំអំពីនីតិវិធីអនុវត្តការចុះបញ្ជីទោចក្រយានយន្ត (ម៉ូតូ) ដល់រដ្ឋបាលថ្នាក់ក្រោមជាតិ។ 
- បទបង្ហាញស្តីពីការប្រើប្រាស់ប្រព័ន្ធស្វ័យប្រវត្តិកម្មចុះបញ្ជី
ទោចក្រយានយន្ត។

       សូមបញ្ជាក់ផងដែរថា  សិក្ខាសាលានេះប្រព្រឹត្តិទៅរយៈពេល២ថ្ងៃ គឺថ្ងៃទី១៧-១៨ ខែកញ្ញា ឆ្នាំ២០១៩៕

ប្រភពៈ រដ្ឋបាលខេត្តស្វាយរៀង

ព័ត៌មានទាក់ទង
ច្បាប់នឹងឯកសារថ្មីៗ
ក្រសួងមហាផ្ទៃ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ ទៅក្នុងទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ