អភិបាលខេត្តកំពង់ឆ្នាំង ចុះពិនិត្យដំណើរការសាងសង់ស្ពាននៅស្រុកទឹកផុស ជាប់ព្រំប្រទល់ ខេត្តកំពង់ស្ពឺ
ឯកឧត្ដម ឈួរ ច័ន្ទឌឿន អភិបាលខេត្តកំពង់ឆ្នាំង បានអញ្ជើញចុះពិនិត្យមើលដំណើរការសាងសង់ស្ពាន ១ កន្លែង ស្ថិតនៅភូមិព្រៃជ្រៅ ឃុំក្បាលទឹក ស្រុកទឹកផុស ជាប់ព្រំប្រទល់ជាមួយខេត្តកំពង់ស្ពឺ កាលថ្ងៃព្រហស្បតិ៍ ១២កើត ខែបុស្ស ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ១៧ ខែមករា ឆ្នាំ២០១៩។
ស្ពាននេះធ្វើពីបេតុង មានប្រវែង ៣០ម៉ែត្រ និងទទឹង ៨,៨ម៉ែត្រ ជាគម្រោងរបស់ក្រសួងសាធារណការ និងដឹកជញ្ជូន ដែលបច្ចុប្បន្ននេះបានសាងសង់សម្រេចបាន ១០០% នៅសល់តែការងារសម្អាត និងលាបថ្នាំប៉ុណ្ណោះ៕ រតនា
ប្រភព៖ រដ្ឋបាលខេត្តកំពង់ឆ្នាំង
