នាព្រឹកថ្ងៃចន្ទ ១៣កើត ខែអស្សុជ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២២ ខែតុលា ឆ្នាំ២០១៨នេះ លោកជំទាវ អោម អេម សមាជិកក្រុមប្រឹក្សាខេត្ត និងជាប្រធានគណៈកម្មាធិការពិគ្រោះយោបល់ ស្ត្រី និងកុមារខេត្តកោះកុង បានអញ្ជើញ ជាអធិបតីក្នុងកិច្ចប្រជុំសាមញ្ញលើកទី៥១ អាណត្តិទី២ របស់គណៈកម្មាធិការពិគ្រោះយោបល់ ស្ត្រី និងកុមារខេត្ត ប្រចាំខែតុលា ឆ្នាំ២០១៨។ ដោយមានការចូលរួមពីលោក លោកស្រីសមាជិកគណៈកម្មាធិការ កិច្ចប្រជុំនេះបានពិនិត្យ និងពិភាក្សាលើសេចក្តីព្រាងកំណត់ហេតុកិច្ចប្រជុំសាមញ្ញលើកទី៥០ ឆ្នាំ២០១៨ និងពិភាក្សាលើរបាយការណ៍ ប្រចាំខែតុលា ឆ្នាំ២០១៨ ព្រមទាំងពិភាក្សាលើបញ្ហាប្រឈម និងលើកឡើងនូវសំណូមពរចាំបាច់នានា ដើម្បីជាមូលដ្ឋានសម្រាប់ទិសដៅការងារបន្ត អោយបានទទួលជោគជ័យថែមទៀត៕ រតនា

ប្រភព៖ រដ្ឋបាលខេត្តកោះកុង