ព្រឹកថ្ងៃទី១៦ ខែកញ្ញា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញសំណេះសំណាលសួរសុខទុក្ខកុមារអង្គការម្លប់តាប៉ាងប្រមាណជា ៦៥០នាក់ នៅអង្គការម្ល ប់តាប៉ាង ស្ថិតនៅសង្កាត់លេខ៤ ក្រុងព្រះសីហនុ ដោយមានការចូលរួមពីលោកជំទាវសមាជិកក្រុម ប្រឹក្សាខេត្ត លោកស្រីអភិបាលរងក្រុងព្រះសីហនុ មន្ទីរអង្គភាពពាក់ព័ន្ធ និងសប្បុរសជនផងដែរ។
លោកស្រី រ័ត្ន ច័ន្ទផល្គុន នាយិកាអង្គការលោកតាប៉ាងបានឱ្យដឹងថា អង្គការម្លប់តាប៉ាងបាននឹងកំពុងធ្វើ ការងារជាមួយកុមារ យុវជនងាយរងគ្រោះ ក្រុមគ្រួសារ និងសហគមន៍របស់ពួក គេនៅក្នុងខេត្តព្រះសី ហនុផ្តល់ឱកាសដល់ពួកគេនូវជម្រើសជាវិជ្ជមាន និងការគោរពសិទ្ធិដោយគ្មានការរើសអើង ថ្ងៃនេះមា នកុមារចំនួនជាង ៦៥០នាក់ បានចូលរួមទទួលទានអាហារថ្ងៃត្រង់ដែលឧបត្ថម្ភ ដ៏ថ្លៃថ្លាប្រកបដោយ ទឹកចិត្តមនុស្សធម៌ ពីឯកឧត្តមអភិបាលខេត្ត និងសប្បុរសជន។ អង្គការបានធ្វើការងារជាមួយកុមារ យុវ ជនវ័យក្មេង និងគ្រួសារមានជម្រើសវិជ្ជមាន និងផ្តល់សេវាកម្ម ។
ឯកឧត្តម គួច ចំរើន អភិបាលខេត្តព្រះសីហនុបានថ្លែងអំណរគុណលោកគ្រូ អ្នកគ្រូ អង្គការម្លប់តាប៉ាងបានខិតខំរួមគ្នាជម្នះការលំបាកស្មុគស្មាញផ្សេងៗសំដៅទៅរកការកសាងធនធានមនុស្សក្នុងព្រះរាជាណាចក្រកម្ពុជា ពិសេសធនធានមនុស្សខេត្តព្រះសីហនុ ដើម្បីកាត់បន្ថយកុមារ គ្រួសារធ្វើការ និងរស់នៅតាមថ្នល់។ ដែលកន្លងមកលោកជំទាវ ប្រាក់ ចន្ទសុខាសមាជិកក្រុមប្រឹក្សាខេត្ត និងជាប្រធានគណ:កម្មាធិការពិគ្រោះតយោបល់ស្រ្តី និងកុមារចុះនិងសហការជាមួយអង្គការម្លប់តាប៉ាងជាបន្តបន្ទាប់ ថ្ងៃនេះយើងបានឯកភាពគ្នាចុះសួរសុខទុក្ខ និងនាំយកអាហារ មាននំប័ង នំបញ្ចុកនិងសម្លការីជូនកុមារក្នុងឱកាសបុណ្យកាន់បិណ្ឌ ភ្ជុំបិណ្ឌតាមប្រពៃណីជាតិ ដោយឡែកកុមារកំព្រានៅទីនេះ មិនមានឱកាសទៅវត្ត តែកុមារបានជួបគ្នានៅទីនេះ។
ឯកឧត្តម អភិបាលខេត្តព្រះសីហនុ កោតសរសើរវាយតម្លៃខ្ពស់ចំពោះអង្គការម្លប់តាប៉ាងរួមសហការការគាំទ្រលើកកម្ពស់កុមារនៅខេត្តព្រះសីហនុ ថ្ងៃនេះយើងបានជួបជុំគ្នា ម្យ៉ាងទៀតនៅតំបន់នេះ រងការជន់លិចនៅរដូវវស្សារយៈពេលខ្លី បង្កការរៀនសូត្ររបស់កុមារ ក៏ប៉ុន្តែមិនមានគ្រោះថ្នាក់អ្វីនោះទេ។ រដ្ឋបាលខេត្ត បានជម្រុញ និងប្រែប្រួលតំបន់នេះដោយរៀបចំហេដ្ឋារចនាសម្ព័ន្ធនៅតំបន់ជុំវិញអង្គការម្លប់តាប៉ាង ប្រកបដោយសោភ័ណ្ឌភាពកាន់តែល្អប្រសើរឡើងថែមទៀត។
ឯកឧត្តម អភិបាលខេត្តព្រះសីហនុ ស្នើសុំអ្នកគ្រប់គ្រងអង្គការម្លប់តាប៉ាងដឹកនាំចែកចាយនំប័ង សម្លជូនដល់កុមារនៅតាមទីតាំងនានាក្នុងខេត្តព្រះសីហនុ ព្រោះថ្វីត្បិតទីនេះមិនសមល្មមសម្រាប់ការជួបជុំកុមារទាំងជាង ៦៥០នាក់។
សូមបញ្ជាក់ថា ការរៀបចំនំប័ង នំបញ្ចុក និងសម្លការី និងថវិកា ៥០.០០០រៀលក្នងកុមារម្នាក់ ជាការជួយឧបត្ថម្ភពីសប្បុរសជន៕
ប្រភព៖ រដ្ឋបាលខេត្តព្រះសីហនុ