សម្តេចតេជោ ហ៊ុន សែន កោតសរសើរ និងវាយតម្លៃខ្ពស់ដល់មន្ត្រីរាជការស៊ីវិល និងកងកម្លាំងនគរបាលជាតិ ក្រសួងមហាផ្ទៃ
ក្នុងពិធីបិទសន្និបាតត្រួតពិនិត្យការងារឆ្នាំ២០១៨ និងលើកទិសដៅការងារឆ្នាំ២០១៩ នារសៀលថ្ងៃព្រហស្បតិ៍ ១០កើត ខែមាឃ សំរឹទ្ធិស័ក ព.ស ២៥៦២ ត្រូវនឹងថ្ងៃទី១៤ ខែកុម្ភៈ ឆ្នាំ២០១៩ នៅទីស្តីការក្រសួងមហាផ្ទៃ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍កោតសរសើ និងវាយតម្លៃខ្ពស់ដល់កិច្ចខិតខំរបស់មន្ត្រីរាជការស៊ីវិល និងកងកម្លាំងនគរបាលជាតិ ក្រសួងមហាផ្ទៃទាំងអស់ដែលបានប្រឹងប្រែងបំពេញការងារ ការពាររក្សាសន្តិសុខសណ្តាប់ធ្នាប់ ការពារបានសុខសន្តិភាព ដើម្បីប្រយោជន៍ជាតិ និងប្រជាជនទាំងមូល។ ជាមួយគ្នានោះដែរ សម្តេចតេជោ ក៏បានបញ្ជាក់ដល់កងកម្លាំងនគរបាលជាតិទាំងអស់ត្រូវ ពង្រឹងសមត្ថភាព និងបន្តថែរក្សាសន្តិសុខ សណ្តាប់ធ្នាប់ សន្តិភាព អធិបតេយ្យភាព បូរណភាពទឹកដី និងប្រឆាំងដាច់ខាតរាល់បដិវត្តន៍ពណ៌៕គឹមអាន
ដោយ៖ នាយកដ្ឋានព័ត៌មានវិទ្យា
