នៅព្រឹកថ្ងៃ ព្រហស្បតិ៍ ១២កើត ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៧ ខែមករា ឆ្នាំ២០១៩ នាសាលប្រជុំអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ បានរៀបចំកិច្ចប្រជុំ ពិនិត្យរបាយការណ៍លទ្ធផលការងារឆ្នាំ២០១៨ និងលើកទិសដៅការងារឆ្នាំ២០១៩ របស់អគ្គនាយកដ្ឋានភស្តុភារ និងហិរញ្ញវត្ថុ ក្រោមអធិបតីភាពដ៍ខ្ពង់ខ្ពស់ ឯកឧត្តម សេង យូអ៊ាន់ អគ្គនាយក នៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ ដោយមានការអញ្ជើញចូលរួមពី ឯកឧត្តម លោកជំទាវ ជាអគ្គនាយករង ប្រធាននាយកដ្ឋាននិងមន្ត្រីពាក់ព័ន្ធផងដែរ ។ ឯកឧត្តម សេង យូអ៊ាន់ អគ្គនាយក នៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ បានសម្តែងនូវមោទនភាពនិងឯកភាពលើរបាយការណ៍លទ្ធផលការងារឆ្នាំ២០១៨ និងជម្រុញឱ្យមានកិច្ចខិតខំប្រឹងប្រែងបន្ថែមទៀតដើម្បីសម្រេចបានជោគជ័យឆ្នាំ២០១៩បន្តទៀត។

     សូមបញ្ជាក់ថា ​តាមសេចក្តីព្រាងរបាយការណ៍បានអោយដឹងថា ក្នុងឆ្នាំ២០១៨ អគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃសម្រេចបាននូវជោគជ័យជាច្រើនក្នុងសកម្មភារគាំទ្រដល់សេវានៃការផ្គត់ផ្គង់ដល់កងកម្លាំងនគរបាលជាតិដូចជា ការបែងចែកគោលរបបប្រចាំឆ្នាំ ការបើកផ្តល់ប្រាក់បៀវតស្សន៍ បំពេញតម្រូវការសម្ភារបច្ចេកទេស កសាងហេដ្ឋារចនាសម្ព័ន្ធតាមភូមិ ឃុំ និងអង្គភាពមានផ្លូវថ្នល់ អគារស្នាក់នៅ និងហូបចុករបស់កងកម្លាំងនគរបាលជាតិ ប៉ុស្តិនគរបាលរដ្ឋបាល៕គឹមអាន

ប្រភព៖  អគ្គនាយកដ្ឋានភស្តុភារ និងហិរញ្ញវត្ថុ