ឯកឧត្តម សន្តិបណ្ឌិត ចាន់ អ៊ាន អញ្ជើញជាអធិបតីដឹកនាំកិច្ចប្រជុំឆ្លងសេចក្តីព្រៀង គំរូប្លង់បាណូសម្រាប់ចូលរួមតាំង ពិព័រណ៌ក្នុងពិធីសម្ពោធវិមានឈ្នះឈ្នះ
នាព្រឹកថ្ងៃពុធ ខែអស្សុជ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៧ ខែតុលា ឆ្នាំ២០១៨ ឯកឧត្តម សន្តិបណ្ឌិត ចាន់ អ៊ាន រដ្ឋលេខាធិការក្រសួងមហាផ្ទៃ និងជាប្រធានក្រុមការងាររៀបចំពិព័រណ៌ ដើម្បីចូលរួម អបអរសាទរទិវាខួបអនុស្សាវរីយ៍ ២០ឆ្នាំ នៃការអនុវត្តគោលនយោបាយឈ្នះឈ្នះ អញ្ជើញជាអធិបតីដឹកនាំកិច្ច ប្រជុំឆ្លងសេចក្តីព្រៀងគំរូប្លង់បាណូសម្រាប់ចូលរួមតាំងពិព័រណ៌ ក្នុងពិធីសម្ពោធ វិមានឈ្នះឈ្នះ ដែលនឹងគ្រោង ធ្វើឡើងរយៈពេល ៣ថ្ងៃ ចាប់ពីថ្ងៃទី២៩ ខែធ្នូ ឆ្នាំ២០១៨ ដល់ថ្ងៃទី១ ខែមករា ឆ្នាំ២០១៩ ខាងមុខ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា។
សូមរំលឹកថា វិមានឈ្នះឈ្នះ ដែលមានកម្ពស់ប្រមាណ ៥៤ម៉ែត្រ ទទឹង៣៦ម៉ែត្រ ត្រូវបានសាងសង់លើផ្ទៃដីសរុបចំនួន ៨ហិកតា ស្ថិតក្នុងសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ៕សិដ្ឋ
ប្រភព៖ នាយកដ្ឋានព័ត៌មានវិទ្យា
