ឯកឧត្តម ងី ច័ន្ទ្រផល ដឹកនាំកិច្ចប្រជុំត្រួតពិនិត្យវឌ្ឍនភាព នៃការអនុវត្តការងារគណនេយ្យភាពសង្គម និងពិភាក្សាការងារផ្សេងៗជាមួយដៃគូអភិវឌ្ឍន៍ និងអ្នកពាក់ព័ន្ធ
September 28, 2023    អ្នកទស្សនា :
ទីស្ដីការក្រសួងមហាផ្ទៃ នាព្រឹកថ្ងៃទី២៨ ខែកញ្ញា ឆ្នាំ២០២៣នេះ ឯកឧត្តម ងី ច័ន្ទ្រផល រដ្ឋលេខាធិការ ក្រសួងមហាផ្ទៃ និងជាប្រធាន គណៈកម្មាធិការគ្រប់គ្រងការអនុវត្តផែនការយុទ្ធសាស្ត្រគណនេយ្យភាពសង្គមនៅថ្នាក់ក្រោមជាតិ (គ.គ.អ.ស.) បានអញ្ជើញដឹកនាំកិច្ចប្រជុំត្រួតពិនិត្យវឌ្ឍនភាព នៃការអនុវត្តការងារគណនេយ្យភាពសង្គម និងពិភាក្សាការងារផ្សេងៗ ជាមួយអ្នកពាក់ព័ន្ធ និងដៃគូរអភិវឌ្ឍន៍ដោយមានការចូលរួមពីសំណាក់សមាជិក គ.គ.អ.ស តំណាងដៃគូរអភិវឌ្ឍន៍ ក្រុមការងារគណនេយ្យភាពសង្គមនៃលេខាធិការដ្ឋាន គ.ជ.អ.ប. និងអង្គការសង្គមស៊ីវិលនានា។ ជាកិច្ចចាប់ផ្តើម ឯកឧត្តម ងី ច័ន្ទ្រផល រដ្ឋលេខាធិការ ក្រសួងមហាផ្ទៃ និងជាប្រធាន គ.គ.អ.ស បាន មានប្រសាសន៍ស្វាគមន៍ចំពោះ តំណាងនៃជាសមាជិក គ.គ.អ.ស តំណាងដៃគូរអភិវឌ្ឍន៍ ក្រុមការងារគណនេយ្យភាពសង្គម និងអង្គការសង្គមស៊ីវិលនានា ដែលបានអញ្ជើញចូលរួមនាថ្ងៃនេះ។ ឯកឧត្តមមានប្រសាសន៍បន្តថា កិច្ចប្រជុំនាពេលនេះ ដើម្បីពិភាក្សាលើការងារពាក់ព័ន្ធទៅនឹងការអនុវត្តផែនការសកម្មភាពគណនេយ្យភាពសង្គម របស់រាជរដ្ឋាភិបាលអាណត្តិទី៧។ ឯកឧត្តម រដ្ឋលេខាធិការ មានប្រសាសន៍បញ្ជាក់បន្ថែមថា នៅពេលដែលមុខងារជាច្រើនបានប្រគល់ជូនដល់រដ្ឋបាលថ្នាក់ក្រោមជាតិ នោះដំណើរការគណនេយ្យភាពសង្គម នឹងក្លាយជាដំណើរការដ៏សំខាន់ ចាំបាច់ ដែលឆ្លុះបញ្ចាំងស្ថានភាពជាក់ស្តែង នៃការអនុវត្តមុខងារទាំងនោះទៅថ្ងៃអនាគត។ ក្នុងន័យនេះ អ្នករៀបចំគោលនយោបាយត្រូវពិចារណា គោលនយោបាយមួយដែលមានលក្ខណៈឆ្លើយតប ទៅនឹងតម្រូវការជាក់ស្តែងរបស់ប្រជាពលរដ្ឋឱ្យបានកាន់តែប្រសើរឡើង។ នាឱកាសនោះដែរ លោក ជា សុផាណា តំណាងក្រុមការងារគណនេយ្យភាពសង្គមនៃលេខាធិការដ្ឋាន គ.ជ.អ.ប. បានធ្វើបទបង្ហាញសង្ខេបអំពីវឌ្ឍនភាព បញ្ហាប្រឈម ផែនការបន្ត នៃការអនុវត្តការងារគណនេយ្យភាពសង្គម។ លោកបានលើកឡើងអំពីការបំពេញការងាររបស់គណៈកម្មធិការ គ.គ.អ.ស. ការរៀបចំលិខិតណែនាំទៅរដ្ឋបាលថ្នាក់ក្រោមជាតិពាក់ព័ន្ធនឹងការពង្រីកតំបន់គោលដៅអនុវត្ត និងសេវា។ ទន្ទឹមនិងនេះ រដ្ឋបាលថ្នាក់ក្រោមជាតិមួយចំនួន បានធ្វើការវិភាជន៍ថវិការបស់ខ្លួន(ខេត្ត ឃុំសង្កាត់) ក្នុងការគាំទ្រដំណើរ ការអនុវត្តសកម្មភាពគណនេយ្យភាពសង្គម។ ជាមួយគ្នានោះដែរ ឯកឧត្តម ងី ច័ន្ទ្រផល បានអនុញ្ញាតឱ្យដៃគូរពាក់ព័ន្ធទាំងអស់ ធ្វើការជជែក ពិភាក្សា លើកឡើងនូវបញ្ហាប្រឈម ផែនការព្រមទាំងទិសដៅបន្ត ដែលជាធាតុចូលសំខាន់ដើម្បីចូលរួមចំណែកក្នុងការអនុវត្តការងារគណនេយ្យភាពសង្គម នៅកម្ពុជាកាន់តែល្អប្រសើរ៕ ដោយ ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ
ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ