នារសៀលថ្ងៃព្រហស្បតិ៍ ៨កើត ខែផល្គុន ឆ្នាំរកា ព.ស ២៥៦១ ត្រូវនឹងថ្ងៃទី២២ ខែកុម្ភៈ ឆ្នាំ២០១៨ នៅសាលមហោស្រពកោះពេជ្រ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ(គ.ជ.អ.ប) បានអញ្ជើញអមដំណើរសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណចក្រកម្ពុជា ក្នុងឱកាសសម្តេចអញ្ជើញជាអធិបតីដ៏ខ្ពង់ខ្ពស់ ក្នុងកម្មវិធីបិទសន្និសីទជាតិ ស្តីពី កំណែទម្រង់វិមជ្ឍការ និងវិសហមជ្ឈការ “មេរៀនបទពិសោធន៍ បញ្ញាប្រឈម និងចក្ខុវិស័យទៅអនាគត” ។ សន្និសីទជាតិនេះ បានរៀបចំឡើងមានរយៈពេលពីរថ្ងៃ ដោយមានការអញ្ជើញចូលរួមពី ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី និងថ្នាក់ដឹកនាំក្រសួង អង្គទូត ស្ថាប័ន អង្គការនានា និងមន្ត្រីថ្នាក់ជាតិ ក្រោមជាតិ សរុបប្រមាណ ២,៧០០នាក់។