ថ្ងៃនេះជាថ្ងៃទី៣ នៃកម្មវិធីតាំងពិព័រណ៍យោធា ដើម្បីចូលរួមអបអរសាទរខួបអនុស្សាវរីយ៍លើកទី៣៩ ទិវាជ័យជំនះ៧ មករា ស្តង់ពិព័រណ៌របស់ក្រសួងមហាផ្ទៃនៅតែមានការចូលរួមទស្សនាយ៉ាងច្រេីនកុះករ ពីសំណាក់បងប្អូនប្រជាពលរដ្ឋទូទៅ។ ពួកគាត់សម្ដែងនូវទឹកមុខយ៉ាងសប្បាយរីករាយ ក្នុងការចូលរួមទស្សនា សម្ភារបច្ចេកទេសផ្សេង ដែលបានដាក់តាំងបង្ហាញ ព្រមទាំងធ្វេីការទាញយកកម្មវិធី Mobile App របស់ក្រសួងមហាផ្ទៃ ដែលជាប្រព័ន្ធផ្សព្វផ្សាយព័ត៌មានផ្សេងៗរបស់ក្រសួងមហាផ្ទៃ ដែលពាក់ព័ន្ធនឹងសកម្មភាពថ្នាក់ដឹកនាំក្រសួង សេវារដ្ឋបាល សន្តិសុខ និងសណ្ដាប់ធ្នាប់ សាធារណៈ ថ្នាក់ជាតិ- ក្រោមជាតិ ព្រមទាំង ចំណេះដឹងជាច្រេីនផ្សេងទៀត។
Mobile App នេះត្រូវបានដាក់អោយតំណើរការជាផ្លូវការកាលពីថ្ងៃទី២៤ ខែវិច្ឆិកា ឆ្នាំ២០១៧ ដោយនាយកដ្ឋានព័ត៌មានវិទ្យានៃអគ្គលេខាដ្ឋាន ក្រសួងមហាផ្ទៃដែលអាចទាញយកបានតាមរយៈ links ខាងក្រោម៖
AppStore: https://itunes.apple.com/us/app/moi-mobile-app/id1198053306?ls=1&mt=8
Play Store: https://play.google.com/store/apps/details?id=com.moi.mapp.moiproject
សូមបញ្ជាក់ថា៖ បន្ទាប់ពីទទួលបានគោលការណ៍ដ៏ខ្ពង់ខ្ពស់ពីសម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ ក្នុងការចូលរួមក្នុងកម្មវិធី ប្រកួតកីឡា និងពិព័រណ៍យោធា ដើម្បីចូលរួមអបអរសាទរខួបអនុស្សាវរីយ៍លើកទី៣៩ ទិវាជ័យជំនះ៧ មករា ១៩៧៩ - ៧ មករា ២០១៨ អគ្គលេខាធិការដ្ឋាន និងអគ្គស្នងការនរបាលជាតិ បានចាត់ចែងរៀបចំក្រុមកីឡាករ និងស្តង់តាំងពិព័រណ៍ ដើម្បីតាំងបង្ហាញនូវសមិទ្ធផលនានាដែលជាស្នាដៃនៃកងកម្លាំងនគរបាលជាតិក្នុងភារកិច្ចការងារ ថែរក្សា ការពារ សន្តិសុខ និងសណ្តាប់ធ្នាប់សង្គមរយះពេល៣ថ្ងៃ គឺថ្ងៃទី ១២-១៣-១៤ ខែមករា ឆ្នាំ២០១៨៕
ចេញផ្សាយថ្ងៃទី១៤ ខែមករា ឆ្នាំ២០១៨
ដោយ៖ នាយកដ្ឋានព័ត៌មានវិទ្យា
