នាព្រឹកថ្ងៃអង្គារ ទី១២ ខែមេសា ឆ្នាំ២០២២នេះ ឯកឧត្តម នាយឧត្តមសេនីយ៍ ប៉ោ ភក្កិ អគ្គលេខាធិការ និងជាប្រធានក្រុមការងារឧក្រិដ្ឋកម្មឆ្លងដែនកម្ពុជា (SOMTC) បានអញ្ជើញដឹកនាំក្រុមការងារ SOMTC-កម្ពុជា ចូលរួមសន្និសីទសម្របសម្រួលសម្រាប់សហគមន៍សន្តិសុខ-នយោបាយ លើកទី១៤ 14th Coordinating Conference for the ASEAN Political-Security (14th ASCCO) តាមរយៈប្រព័ន្ធវីដេអូសន្និសីទ ដោយមានការអញ្ជើញចូលរួមពី ឯកឧត្តម លោកជំទាវ ជាសមាជិក សមាជិកានៃក្រុមការងារ SOMTC-កម្ពុជា ព្រមទាំងមន្ត្រីពាក់ព័ន្ធផងដែរ។
នៅក្នុងសន្និសីទនេះផងដែរ ឯកឧត្តម នាយឧត្តមសេនីយ៍ ប្រធានក្រុមការងារ SOMTC-កម្ពុជា ក៏បានធ្វើបទអន្តាគមន៍រាយការណ៍ជូនអង្គសន្និសីទអំពីវឌ្ឍនភាព នៃការងារប្រយុទ្ធប្រឆាំងអំពើជួញដូរមនុស្ស និងការងារប្រឆាំងអំពើភេរវកម្ម ដែល SOMTC-កម្ពុជា ក្នុងនាមជាប្រធានដឹកនាំកិច្ចប្រជុំ SOMTC នៅក្នុងឆ្នាំ២០២២នេះ ផងដែរ៕
ដោយ៖ នាយកដ្ឋានព័ត៌មានវិទ្យា
