អគ្គាធិការដ្ឋាន ក្រសួងមហាផ្ទៃ បើកកិច្ចប្រជុំត្រួតពិនិត្យសមាសភាពមន្ត្រីដើម្បីចាត់បំពេញភារកិច្ចចំពោះមុខ

នាព្រឹកថ្ងៃអង្គារ ថ្ងៃទី១១ ខែមករា ឆ្នាំ២០២២ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន ក្រសួងមហាផ្ទៃ អញ្ជើញដឹកនាំកិច្ចប្រជុំត្រួតពិនិត្យសមាសភាពមន្ត្រីដើម្បីចាត់បំពេញភារកិច្ចចំពោះមុខ ដែលកិច្ចប្រជុំនេះប្រព្រឹត្តទៅនៅសាលប្រជុំរបស់អគ្គាធិការដ្ឋាននិងមានការអញ្ជើញចូលរួមពី ឯកឧត្តម អគ្គាធិការរង ប្រធាននាយកដ្ឋាន និងអនុប្រធាននាយកដ្ឋាន។

ឯកឧត្តមអគ្គាធិការ មានមតិស្វាគមន៍និងបានជម្រាបពីគោលបំណងរបស់អង្គប្រជុំនាពេលនេះថា ដោយទទួលបានការអនុញ្ញាតជាគោលការណ៍រួចរាល់ពីថ្នាក់ដឹកនាំក្រសួងមហាផ្ទៃដើម្បីបំពេញកិច្ចការមួយចំនួនសំដៅត្រួតពិនិត្យប្រសិទ្ធភាពការអនុវត្តសេចក្តីណែនាំរបស់ក្រសួងដែលបានដាក់ចេញ និងការអនុវត្តតួនាទីភារកិច្ចរបស់មន្ត្រីនិងអង្គភាពក្រោមក្រសួងមហាផ្ទៃឱ្យស្របតាមច្បាប់ លិខិតបទដ្ឋានជាធរមាន ដើម្បីជៀសវាងមន្ត្រីមួយចំនួនឆ្លៀតឱកាសប្រើប្រាស់ហួសដែនសមត្ថកិច្ចច្បាប់កំណត់ដែលបណ្តាលឱ្យប្រជាពលរដ្ឋមានការថ្នាំងថ្នាក់ និងមិនសប្យាយចិត្ត។ហេតុនេះ ស្នើ ឯកឧត្ដម អគ្គាធិការរង និងប្រធាននាយកដ្ឋាន ពិនិត្យសមាសភាព សមត្ថភាពរបស់មន្ត្រីរបស់ខ្លួន ដើម្បីចាត់ឱ្យបំពេញនិងការចុះអនុវត្តការងារនេះដើម្បីសម្រេចបានលទ្ធផលល្អប្រសើរជូនថ្នាក់ដឹកនាំក្រសួង។

ទន្ទឹមនឹងនេះដែរ ឯកឧត្តមអគ្គាធិការ បានបញ្ជាក់បន្ថែមនូវគោលការណ៍ដែលថ្នាក់ដឹកនាំក្រសួងទើបបានអនុញ្ញាតដើម្បីចុះអនុវត្តនាពេលខាងមុខនេះផងដែររួមមាន៖

- ចុះត្រួតពិនិត្យចំនុចខ្វះចន្លោះការអនុវត្តតួនាទីរបស់មន្រី្តចរាចរណ៍របស់ស្នងការដ្ឋាននគរបាលរាជធានី ខេត្ត

- តាមដានមន្ត្រីរាជការក្រោមឱវាទក្រសួងមហាផ្ទៃដែលកំពុងបំពេញការងារជាមេធាវី និងជាមន្ត្រីរាជការផង

-ធ្វើការតាមដាន និងមានវិធានការដាក់ទណ្ឌកម្មខាងវិន័យមន្ត្រីក្រោមឱវាទក្រសួងមហាផ្ទៃដែលត្រូវទទួលរង និងត្រៀមទទួលរងការដាក់វិន័យបានគេចវេះពីការអនុវត្តវិន័យ ដោយផ្ទេរភារកិច្ចចេញទៅអង្គភាពផ្សេង ក្នុងនោះមន្ត្រីខ្លះទទួលបានការតែងតាំង និងដំឡើងឋានន្តរស័ក្តិថែមទៀត៕

ប្រភព៖ អគ្គាធិការដ្ឋាន

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ