នៅទីស្ដីការក្រសួងមហាផ្ទៃ នាព្រឹកថ្ងៃព្រហស្បតិ៍ ទី២១ ខែឧសភា ឆ្នាំ២០២០ ក្រសួងមហាផ្ទៃ បានបើកកិច្ចប្រជុំស្តីពីការកំណត់ភារកិច្ច និងរបៀបរបបធ្វើការងាររបស់ថ្នាក់ដឹកនាំអគ្គនាយកដ្ឋានសវនកម្មផ្ទៃក្នុង ក្រោយអធិបតីភាព ឯកឧត្តម ឡាំ ជា រដ្ឋលេខាធិការក្រសួងមហាផ្ទៃ ដោយមានការចូលរួមពី រដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង ប្រធាន អនុប្រធាននាយកដ្ឋាន និងមន្រ្តីនៃអគ្គនាយកដ្ឋានសវនកម្មផ្ទៃក្នុងជាច្រើនរូបផងដែរ។
នាឱកាសនោះ ឯកឧត្តម ឡាំ ជា មានប្រសាសន៍ថា «នាពេលកន្លងមក អគ្គនាយកដ្ឋានសវនកម្មផ្ទៃក្នុង បានធ្វើកិច្ចការមួយចំនួន ហើយក៏បានចុះសួរសុខទុក្ខប្រជាពលរដ្ឋ ឬសង្កេតប្រមូលព័ត៌មានពាក់ព័ន្ធទៅនឹងពាក្យចចាមអារ៉ាម លេចលឺភាពមិនប្រក្រតីមួយចំនួន ប៉ះពាល់ដល់ទៅថ្នាក់ដឹកនាំ»។
ឯកឧត្តម ក៏បានលើកឡើងបន្ថែមថា សេចក្ដីណែនាំថ្មីមួយរបស់ក្រសួងមហាផ្ទៃ ស្តីអំពីការកំណត់នៅក្នុងការបែងចែក តួនាទីភារកិច្ច ក៏ដូចជារបៀបរបបការងារមួយចំនួនពាក់ព័ន្ធទៅនឹងបញ្ហារដ្ឋលេខាធិការ អនុរដ្ឋលេខាធិការ អគ្គនាយក និងអង្គភាពប្រហាក់ប្រហែល ដើម្បីជួយពង្រឹងបន្ថែមទៀតនៅប្រសិទ្ធិភាពការអនុវត្តការងារផងដែរ។
ឯកឧត្តមបន្ដថា ការពង្រឹងនៅប្រសិទ្ធិភាពសហការការងារឲ្យបានល្អរវាងថ្នាក់ដឹកនាំដើម្បីធ្វើយ៉ាងណាឲ្យការងារនេះមានភាពរលូនជាមួយគ្នាបន្ថែមទៀត៕
ដោយ ៖ នាយកដ្ឋានព័ត៌មានវិទ្យា