នៅថ្ងៃទី១៣ ខែឧសភា ឆ្នាំ២០១៧ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញចូលរួមជាអធិបតីភាពដ៏ខ្ពង់ខ្ពស់ ក្នុងពិធីសម្ភោធឆ្លងឧបដ្ឋានសាលា ស្រះទឹក សមិទ្ធផលនានា នៅវត្តរតនៈសិលា ហៅវត្តក្របៅថ្មី និងបើកការដ្ឋានស្ថាបនាផ្លូវក្រាលកៅស៊ូ ០១ខ្សែប្រវែង ៧០០០ម៉ែត្រ ចាប់ពីផ្លូវជាតិលេខ ៨អា ពីភូមិក្របៅជួរ ទៅភូមិតាអី ស្ថិតនៅក្នុង ឃុំក្របៅ ស្រុកកំចាយមារ ខេត្តព្រៃវែង។នៅក្នុងពិធីនេះដែរ សម្តេចក្រឡាហោមបានសំណេះសំណាលសួរសុខទុក្ខជាមួយប្រជាពលរដ្ឋដែលជាពុទ្ធបរិស័ទ និងមន្រី្តគ្រប់ជាន់ថ្នាក់ទាំងអស់ដែលបានអញ្ជើញចូលរួម និងបានជូនពរដល់បងប្អូនប្រជាពលរដ្ឋ ជួបតែពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕