នាព្រឹកថ្ងៃទី១៨ ខែកក្កដា ឆ្នាំ២០១៩ នៅសាលប្រជុំអាគា W នៃទីស្តីការក្រសួងមហាផ្ទៃ លេខាធិការដ្ឋាន នៃគណៈកម្មាធិការប្រយុទ្ធប្រឆាំងផលិតផលក្លែងក្លាយ (គ.ប.ផ.ក) បានរៀបចំកិច្ចប្រជុំបូកសរុបលទ្ធផលការងារ ប្រចាំឆាមាសទី១ ឆ្នាំ២០១៩ និងលើកទិសដៅបន្ត ក្រោមអធិបតីភាព ឯកឧត្តម ឧត្តមសេនីយ៍ឯក លីវ សុផាណារិទ្ធិ ប្រធានលេខាធិការដ្ឋាន នៃគ.ប.ផ.ក។
សូមបញ្ជាក់ថាក្នុងឆមាសទី១ ឆ្នាំ២០១៩ គណៈកម្មាធិការប្រយុទ្ធប្រឆាំងផលិតផលក្លែងក្លាយបានសម្រេចការងារជាច្រើនដែលក្នុងនោះរួមមាន៖ ការចុះអនុវត្តនីតិវិធីបង្ក្រាបផលិតផលក្លែងក្លាយ ផលិតផលខុសច្បាប់ ផលិតផលអន់គុណភាព ផលិតផលហួសសុពលភាពប្រើប្រាស់ ផលិតផលិតមិនត្រឹមត្រួវតាមស្តង់ដាបច្ចេកទេសដែលជាផលិតផលប៉ះពាល់សុខភាព និងអាយុជីវិត ប្រជាពលរដ្ឋ ចំនួន១៦ករណី និងក្នុងឆមាសទី១ ឆ្នាំ២០១៩ នេះ គ.ប.ផ.ក បានធ្វើពីធីកំទេចផលិតផលប៉ះពាល់សុខភាពចំនួន ១លើក៕ គឹមអាន
ប្រភព៖ គណៈកម្មាធិការប្រយុទ្ធប្រឆាំងផលិតផលក្លែងក្លាយ