ឯកឧត្តមអភិបាលខេត្តតាកែវ អញ្ជើញទទួលអំណោយជាសម្ភារៈបរិក្ខាវេជ្ជសាស្ត្រពីសប្បុរសជន
តាកែវ៖ ឯកឧត្តម អ៊ូច ភា អភិបាលខេត្តតាកែវ នៅរសៀលថ្ងៃទី១៨ ខែតុលា ឆ្នាំ២០២១នេះ បានអញ្ជើញទទួល អំណោយជា សម្ភារៈបរិក្ខាវេជ្ជសាស្ត្រដល់មណ្ឌលសុខភាពក្រុងដូនកែវនិងមន្ទីរពេទ្យបង្អែកខេត្តតាកែវ និងតម្លើងប្រព័ន្ធអុកស៊ីសែនក្នុងអាគារព្យាបាលអ្នកជម្ងឺកូវីដ ១៩ គិតជាថវិកាចំនួន ១៣២,១២៨,៥០ដុល្លារ ជូនមន្ទីរពេទ្យបង្អែកខេត្តតាកែវ សម្រាប់គាំទ្រយុទ្ធនាការ ប្រយុទ្ធប្រឆាំងការរីរាលដាលជម្ងឺកូវីដ១៩។
ជាមួយគ្នានេះដែរ ឯកឧត្តម អ៊ូច ភា ក៏បានជូនពរទៅដល់លោករួមនិងសហការី ព្រមទាំងក្រុមគ្រួសារ សូមទទួលបាននូវ សុខភាពល្អ ទទួលបានជោគជ័យគ្រប់ភារ កិច្ចការងារ និងជៀសផុតពីជំងឺឆ្លងចង្រៃ៕
ប្រភព៖ រដ្ឋបាលខេត្តតាកែវ
