ការផ្ដល់សេវារដ្ឋបាលរបស់អង្គភាពច្រកចេញចូលតែមួយ រាជធានី ខេត្ត បានបណ្តុះបណ្តាលដល់ខេត្តគោលដៅចំនួន៩
នៅព្រឹកថ្ងៃទី២៦ ខែមិថុនានេះ មានវគ្គបណ្តុះបណ្តាលស្ដីពីបែបបទ និងនីតិវិធី នៃការផ្ដល់សេវារដ្ឋបាលរបស់អង្គភាពច្រកចេញចូលតែមួយ រាជធានី ខេត្ត រយៈពេល៣ថ្ងៃគឺចាប់ពីថ្ងៃទី២៦ដល់២៨ ខែមិថុនានេះ មានការចូលរួមពីសិក្ខាកាមខេត្តគោលដៅចំនួន៩មានខេត្ត៖ កំពង់ចាម ត្បូងឃ្មុំ ក្រចេះ ព្រៃវែង ស្ទឹងត្រែង រតនៈគិរី មណ្ឌលគិរី កំពង់ធំ និងស្វាយរៀង ដើម្បីភាពងាយស្រួលក្នុងការផ្តល់សេវាសាធារណៈជូនប្រជាពលរដ្ឋឲ្យកាន់តែល្អប្រសើរឡើង រវាងអគ្គនាយកដ្ឋានរដ្ឋបាលនៃក្រសួងមហាផ្ទៃ ជាមួយអង្គការតម្លាភាពកម្ពុជា ដើម្បីឲ្យថ្នាក់ក្រោមជាតិផ្តល់សេវាសាធារណៈជូនពលរដ្ឋនៅតាមមូលដ្ឋាន។ ឯកឧត្តម ងី ចន្រ្ទ័ផល លេខាធិការក្រសួងមហាផ្ទៃ និងជាអនុប្រធានក្រុមប្រឹក្សាស្តារនិងអភិវឌ្ឍន៍វិស័យកសិកម្មនិងជនបទ តំណាងដ៍ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានលើកឡើងថាប្រទេសកម្ពុជាមានការរីកចម្រើនកាន់តែជឿលឿននិងមានការវិវត្តន៍នូវបច្ចេកទេសកាន់ល្អប្រសើរតាមសម័យកាលបច្ចប្បន្ននេះ ហើយកនុងគោលការណ៍ក្រសួងមហាផ្ទៃក្នុងឆ្នាំ២០១៨នេះ នឹងធ្វើបម្រើសេវាការយល់ដឹង ផ្តល់ព័ត៍មានច្បាស់លាស់ត្រឹមត្រូវ តាមប្រពន្ធ៍អ៊ឺនធឺណេតជូនបងប្អូនប្រជាពលរដ្ឋងាយស្រួលក្នុងការទទួលបានព័ត៍មានរប់រដ្ឋបាលសាធារណៈតាមមូលដ្ឋាន។ ឯកឧត្តមរដ្ឋលេខាធិការ បានបញ្ជាក់ទៀតថា ប្រទេសកម្ពុជាក្រោមការដឹកនាំរបស់សម្តេចតេជោ ហ៊ុន សែន បានធ្វើការកែទម្រង់គោលនយោបាលដើម្បីជាជម្រើសមួយដ៍ល្អប្រសើរស្របពេលប្រទេសជាតិកំពុងទទួលបានផលចំណេញពីសន្តិភាព និងសេ្ថរភាព ដែលបានខិតខំកសាង និងការពារបាន ហើយក្នុងការផ្តល់សេវាសាធារណៈសព្វថ្ងៃត្រូវធ្វើការកំណែទម្រង់ឲ្យកាន់តែស៊ីជម្រៅថែមទៀត ដើម្បីប្រែក្លាយខ្លួនឲ្យទៅជាអ្នកផ្តល់សេវាដ៍មានប្រសិទិ្ធភាព និងជាដៃគូអភិវឌ្ឍន៍អាចជឿទុកចិត្តបានសំដៅ បម្រើប្រជាពលរដ្ឋឲ្យកានតែប្រសើរឡើង។ ឯកឧត្តមសង្ឃឹមថាសិក្ខាកាមដែលមកពីតាមបណ្តាលខេត្តទាំង៩នឹងបានយល់ដឹងបែបបទ និងនីតិវិធី នៃការផ្ដល់សេវារដ្ឋបាលរបស់អង្គភាពច្រកចេញ រាជធានី ខេត្ត បានល្អប្រសើរយកទៅអនុវត្តន៍តាមគោលនយោបាលជូនប្រជាពលរដ្ឋតាមមូលដ្ឋានបានកាន់ល្អទៅៗនិងមានលក្ខណៈប្រសើរឡើង។ ជាមួយគ្នានេះដែរ ឯកឧត្តម គួច ចំរើន អភិបាលខេត្តកំពង់ចាម បានលើកបញ្ជាក់ផងដែរថា កមុងខេត្តកំពង់ចាមការិយាល័យច្រកចេញចូលតែបានប្រព្រឹត្តិបានចំនួនមួយក្រុងមកហើយ ដោយក្នុងមួយឆ្នាំ២០១៨នេះរដ្ឋបាលខេត្តកំពង់ចាមជម្រុញបង្កើតច្រកចេញចូលតែមួយបន្ថែមទៀតគឺក្នុងស្រុកកំពង់សៀម ដើម្បីបង្កើនភាពងាយដល់បងប្អូនប្រជាពលរដ្ឋស្របតាមគោលនយោបាលរបស់រាជរដ្ឋាភិបាលកម្ពុជាផងដែរ ហើយក្នុងខេត្តកំពង់ចាមឯកឧត្តមអភិបាលខេត្តបានលើកទឹកចិត្តនិងជម្រុញដល់មន្ត្រីគ្រប់ជាន់ថ្នាក់ត្រូវបម្រើផ្តល់សេវាសាធារណៈបានល្អរហ័សលឿនតាមតម្រូវការរបស់ប្រជាពលរដ្ឋ៕
ប្រភពព័ត៌មាន ៈ រដ្ឋបាលខេត្តបាត់ដំបង